باسپا ءسوز مالىمەتتەرىنە قاراعاندا، قولداۋ كورسەتىلگەن جوبالاردى ىسكە اسىرۋ ءبىر مىڭنان استام جۇمىس ورنىن قۇرۋعا مۇمكىندىك بەرەدى. كوتەرمە-تاراتۋ ورتالىعىن سالۋ جوباسى قولداۋ تاپتى. جوبا كوكونىستەردى، جەمىستەردى، ەتتى، بالىقتى، ءسۇت ونىمدەرىن جانە ت. ب. ساقتاۋ، تاسىمالداۋ جانە ساتۋ بويىنشا قىزمەتتەردى ورتالىقتاندىرۋعا ارنالعان.
التاي كولگىنوۆ ەلوردانىڭ ازىق-تۇلىك قاۋىپسىزدىگىنە ەرەكشە نازار اۋدارۋ قاجەتتىگىن اتاپ ءوتتى، «ەل باسشىلىعىنىڭ ينۆەستيتسيالاردى تارتۋ جونىندەگى تاپسىرماسىن جۇزەگە اسىرۋ ءۇشىن قولايلى جاعداي جاسايمىز جانە ينۆەستيتسيالىق كليماتتى جاقسارتۋ ءۇشىن جۇمىس ىستەيمىز، قالا مەن تۇرعىندار ءۇشىن قاجەتتى جوبالاردى قولدايمىز»، - دەدى.
كەڭەستە ءبىلىم بەرۋ سالاسىنداعى ءبىرقاتار جوبالار مەن اۆتوبۋس پاركى قۇرىلىسىنىڭ جوباسى قولداۋ تاپتى.