جوباعا وسى سالادا جۇمىس ىستەپ جۇرگەن وتاندىق ينۆەستورلاردى تارتۋ كوزدەلىپ وتىر. كولىك بولشەكتەرىن جيناپ، ونى حالىقارالىق نارىققا شىعارۋدى كوزدەيتىن 4 جوبا الداعى 2 جىلدا تولىق جۇزەگە اسادى. قوستانايدا كاماز- دىڭ دوڭگەلەگى مەن بەلدەمەسى، ال الماتىدا «حيەندە» جەڭىل كولىگىنە ارنالعان پلاستيك جابدىقتار جاسالادى.
قازاقستان اۆتوبيزنەس قاۋىمداستىعىنىڭ مالىمەتىنە سۇيەنسەك، بۇل بولشەكتەر كورشىلەس رەسەيگە دە تاسىمالدانادى. ەكى ەل اراسىندا ءتيىستى كەلىسىم بار. قازىردىڭ وزىندە بۇل جوباعا 20-دان استام رەسەيلىك كاسىپورىن قىزىعۋشىلىق تانىتىپ وتىر.
انار ماقاشيەۆا، قازاقستان اۆتوبيزنەس قاۋىمداستىعى پرەزيدەنتىنىڭ ورىنباسارى:
- بۇل جوبا شاعىن جانە ورتا بيزنەسكە ارنالعان. ياعني وسى باعىتتا جۇمىس ىستەگىسى كەلەتىن ينۆەستورلار تارتۋ ارقىلى جۇزەگە اسىرامىز. سونداي- اق ىشكى نارىقتاعى ماشينالاردى ءوز ونىمدەرىمىزبەن قامتيمىز. بۇل جوبا شاعىن جانە ورتا بيزنەستىڭ دامۋىنا، قوسىمشا جۇمىس ورىندارىنىڭ اشىلۋىنا مۇمكىندىك بەرەدى. ەل قازىناسىنا دا قارجى تۇسەدى. ەڭ باستىسى ءبىزدىڭ ماماندارىمىز تەحنولوگيالىق ۇدەرىستەردى مەڭگەرىپ، جاڭا ءونىم جاساۋعا بەيىمدەلەدى. شيكىزاتتىق ەمەس سەكتوردى دامىتۋعا سەرپىن بەرەدى.
قاۋىمداستىق وكىلدەرى جاريا ەتكەن تاعى ءبىر جاڭالىق - ەلىمىزدە ساتىلعان كولىكتەردىڭ سانى ارتقان. 2020 -جىلدىڭ قاڭتارىندا قازاقستاندىقتار بۇل ماقساتتا 51 ميلليارد تەڭگە جۇمساپتى. بۇل بىلتىرعى جىلدىڭ وسى كەزەڭىندەگى كورسەتكىشتەن 20 پروتسەنتكە ارتىق. ەڭ كوپ ساتىلعان كولىكتەردىڭ كوشىن الا شاپاندى اعايىننىڭ «راۆونى»، رەسەيلىك «لادا» جانە كورەيلەردىڭ «حيەندەسى» باستاپ تۇر.
ولەگ الفەروۆ، اۆتوكولىك نارىعىنىڭ ساراپشىسى:
- قازىر وتاندىق اۆتوءوندىرستىڭ دامۋىنا ىقپال ەتىپ وتىرعان ەكى باعدارلاما بار. ولار پايدالانىلىپ بولعان كولىكتەردى ۋتيليزاتسيالاۋ جانە جەڭىلدەتىلگەن اۆتونەسيەلەۋ. بۇل باعدارلامالار سوڭعى جىلدارى تيىمدىلىگىن كورسەتتى. سوندىقتان ولاردى قارجىلاندىرۋ ارتۋى مۇمكىن. ال بۇل ءوز كەزەگىندە وتاندىق اۆتوكولىك پاركىن جاڭارتۋعا مۇمكىندىك بەرەدى.
قازىرگە دەيىن جەڭىلدەتىلگەن نەسيەنىڭ ارقاسىندا 20 مىڭ ازاماتتىڭ تەمىر تۇلپارعا قولى جەتىپتى. ايتپاقشى، نارىقتى ودان سايىن جانداندىرا ءتۇسۋ ءۇشىن ەلىمىزدە ەسكى كولىكتەردى ۋتيليزاتسيالاۋعا بەرىلەتىن سەرتيفيكات كولەمىن جارتى ميلليون تەڭگە دەيىن ارتتىرۋ ۇسىنىلدى. قازىر بۇل كورسەتكىش 350 مىڭ تەڭگەنىڭ شاماسىندا.
www.24.kz