سپورتتاعى كوروناۆيرۋس سالقىنى

نۇر-سۇلتان. قازاقپارات - الەمدە كوروناۆيرۋستىڭ بەلەڭ الۋىنا بايلانىستى كوپتەگەن مەملەكەت سپورتتىق ءىس- شارالار وتكىزۋدەن باس تارتىپ جاتىر. ەلىمىزدە حالىقارالىق جارىستاردى وتكىزۋدى كەيىنگە قالدىرعان.

وعان قوسا قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىقتىرۋ ىستەرى كوميتەتىنىڭ ءتوراعاسى سەرىك ساپيەۆ كوروناۆيرۋس كوپ تىركەلگەن ەلدەرگە 2020 -جىلدىڭ ءبىرىنشى جارتىجىلدىعىندا سپورت تۇرلەرى بويىنشا ۇلتتىق قۇراما كومانداسىنىڭ مۇشەلەرىن ءىس- ساپارعا جىبەرۋگە تىيىم سالدى.

الەم ەلدەرىندە كوروناۆيرۋسقا بايلانىستى وتپەي قالعان نە كەيىنگە شەگەرىلگەن سپورتتىق ءىس- شارالار كارتاسى

ەسكەرتۋ: • كارتادا ماڭىزدى جارىستار مەن ءىس- شارالار عانا كورسەتىلگەن. ازيا قۇرلىعىندا ۇلكەندى- كىشىلى بارلىق جارىستى وتكىزۋدەن باس تارتىپ جاتىر.

• كوپ ليگا مەن فەدەراتسيالار جارىستى وتكىزۋ كەزىندە قاۋىپسىزدىك شارالارىن كۇشەيتۋدە. مىسالى، «نيۋكاسل» فۋتبول كلۋبىندا قول الىسۋعا، «باۆاريادا» جانكۇيەرلەرمەن سۋرەتكە ءتۇسىپ، سويلەسۋگە تىيىم سالىنعان.

• يتاليانىڭ سولتۇستىگىندە ا سەرياسىنىڭ ماتچتارىن كەيىنگە شەگەرگەنىنە قاراماستان، «يۋۆەنتۋس» پەن «ميلان» اراسىنداعى كۋبوك كەزدەسۋى وتەدى. ماتچقا قوناق كوماندانىڭ جانكۇيەرلەرى مەن سولتۇستىك ايماقتان كەلگەن كورەرمەندى كىرگىزبەيدى.

• ۋەفا ازىرگە قانداي دا ءبىر شارا جاساۋعا اسىعىس ەمەس. دەگەنمەن ەۋروپانىڭ باس فۋتبول ورگانى امستەردامدا وتكەن جينالىستا الداعى ۋاقىتقا جوسپاردى ازىرلەدى.

• حالىقارالىق وليمپيادا كوميتەتى 2020 -جىلعى توكيو وليمپياداسى وتپەيتىنى تۋرالى اقپارات بەرگەن جوق. دەگەنمەن باتىس باسىلىمدارىنىڭ مالىمەتىنشە، كوروناۆيرۋس بەلەڭ السا ءتورتجىلدىقتىڭ باستى دوداسى كورەرمەنسىز ءوتۋى مۇمكىن.

• The Telegraph مالىمەتىنشە، بريتانيادا اعىلشىن پرەمەر- ليگاسى توقتاتۋعا ءازىر.

• كوروناۆيرۋس ەكونوميكاعا كەرى اسەرىن تيگىزىپ جاتىر. Forbes مالىمەتىنشە، پروموۋتەرلەر قىتاي مەن ۆەتنامداعى «فورمۋلا 1» كەزەڭىن وتكىزۋدەن باس تارتۋ ارقىلى 85 ميلليون دوللار تابىستان قاعىلعان.

Massaget.kz