«وبلىس، رەسپۋبليكالىق ماڭىزى بار قالا نەمەسە استانا اكىمدەرى ءوزىنىڭ ورىنباسارى، وزىنە تىكەلەي باعىنىستى مەملەكەتتىك ساياسي قىزمەتشى، اپپارات باسشىسى نە اۋدان (وبلىستىق ماڭىزى بار قالا)، قالاداعى اۋدان اكىمى سىبايلاس جەمقورلىق قىلمىس جاساعان كەزدە وتستاۆكاعا ءوتىنىش بەرەدى، - دەدى م ق ى ا- نىڭ مەملەكەتتىك قىزمەت سالاسىنداعى باقىلاۋ دەپارتامەنتىنىڭ ديرەكتورى ەرلان ساپاروۆ.
سونداي-اق وبلىس، رەسپۋبليكالىق ماڭىزى بار قالا نەمەسە ەلوردا اكىمىنىڭ ورىنباسارى ءوزى جەتەكشىلىك ەتەتىن، جەرگىلىكتى بيۋجەتتەن قارجىلاندىرىلاتىن اتقارۋشى ورگاننىڭ باسشىسى سىبايلاس جەمقورلىق قىلمىس جاساعاندا، ال اۋدان (وبلىستىق ماڭىزى بار قالا)، قالاداعى اۋدان اكىمدەرى ءوزىنىڭ ورىنباسارى، اكىم اپپاراتىنىڭ باسشىسى، ءوزى جەتەكشىلىك ەتەتىن، جەرگىلىكتى بيۋجەتتەن قارجىلاندىرىلاتىن اتقارۋشى ورگاننىڭ باسشىسى، اۋىل، كەنت، اۋىلدىق وكرۋگ اكىمى سىبايلاس جەمقورلىق قىلمىس جاساعاندا وتستاۆكاعا ءوتىنىش بەرۋى ءتيىس.
ەرلان ساپاروۆتىڭ اتاپ وتۋىنشە، «ق ر مەملەكەتتىك قىزمەتى تۋرالى» زاڭنىڭ مەملەكەتتىك قىزمەتشىلەردىڭ جاۋاپتىلىعى ماسەلەسى بويىنشا ەرەجەلەرى 2019-جىلدىڭ 10- جەلتوقسانىندا قولدانىسقا ەنگىزىلگەن. وسىلايشا، وتستاۆكاعا كەتۋ تۋرالى مىندەت وتكەن جىلدىڭ 10- جەلتوقسانىنان كەيىن سىبايلاس جەمقورلىق قىلمىس جاساعان قىزمەتكەرلەردىڭ باسشىلارىنا جانە ساياسي قىزمەتكەرلەرگە قولدانىلادى. مەملەكەتتىك ساياسي قىزمەتشىلەر، ەگەر ولار تاعايىندالعان كۇننەن باستاپ ءۇش اي وتكەننەن كەيىن سىبايلاس جەمقورلىق قىلمىس جاسالعان جاعدايدا وتستاۆكاعا كەتەدى.
ساياسي قىزمەتشىلەر سوتتىڭ ايىپتاۋ ۇكىمى زاڭدى كۇشىنە ەنگەننەن كەيىن نەمەسە سوت الدە قىلمىستىق قۋدالاۋ ورگانى قىلمىستىق ءىستى قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 35-بابى ءبىرىنشى بولىگىنىڭ 3)، 4)، 9)، 10)، 11)، 12) جانە 12) تارماقشالارىنىڭ نەمەسە 36-بابى نەگىزىندە قىسقارتقان سوڭ 10 كۇنتىزبەلىك كۇن ىشىندە وتستاۆكاعا بەرەدى.
باسشىلاردىڭ جاۋاپكەرشىلىگىن قاراۋ كەزىندە كورسەتىلگەن شارتتاردان باسقا، قول استىنداعىلارعا جاسالعان سىبايلاس جەمقورلىق قىلمىسى مەن باسشىنىڭ سىبايلاس جەمقورلىق قۇقىق بۇزۋشىلىق جاساۋدىڭ الدىن الۋ جونىندەگى لاۋازىمدىق مىندەتتەرىن ورىنداماۋداعى نەمەسە تيىسىنشە ورىنداماۋداعى كىناسى اراسىندا بايلانىستىڭ بولۋى دا ماڭىزدى.