بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا نۇر- سۇلتان قالالىق ەكونوميكالىق تەرگەۋلەر دەپارتامەنتى ەكىنشى تەرگەۋ باسقارماسىنىڭ باسشىسى ولجاس سۇلەيمەنوۆ ايتتى، دەپ حابارلايدى قازاقپارات ءتىلشىسى.
«قالامىزدا قاجەتتى تەحنيكانى ساتىپ الىپ، ءوز ۇيىندە قاعاز اقشا جاساۋمەن تۇراقتى اينالىسىپ كەلگەن ازامات ۇستالدى. جالعان قاعاز اقشالار ق ر ۇلتتىق بانكى بانكنوتتارىنا بارىنشا ۇقساس. جۇرگىزىلگەن جۇمىستاردىڭ ناتيجەسىندە جالعان اقشالاردى قالا اۋماعىندا وتكىزۋدىڭ 34 فاكتىسىن انىقتادىق» ، - دەدى ول.
ونىڭ اتاپ وتۋىنشە، قاعاز اقشانى قولدان جاساعان ادامنىڭ كىناسىن تولىق دالەلدەيتىن بارلىق ايعاقتار جينالعان.
«بۇلتارتپايتىن ايعاقتار جينالدى. ولار: كۋاگەرلەردىڭ جاۋابى، بەينە باقىلاۋ كامەرالارى، ساتۋشىلار. اتالعان ادام ءىسى سوتقا جىبەرىلدى. ول باس بوستاندىعىنان ايىرىلدى. اقشا قاراجاتتارىن قولدانعان كەزدە ولاردىڭ جاڭارتىلىپ وتىراتىندىعىن ەسكەرگەن ءجون. ۇلتتىق بانك تاراپىنان كوزدەلگەن قاۋىپسىزدىك شارالارىنا نازار اۋدارۋ قاجەت» ، - دەدى ولجاس سۇلەيمەنوۆ.