«قىتايداعى قازاقستاندىق ستۋدەنتتەردىڭ باسىم كوبى ول ەلدەن كەتىپ قالعان. ستۋدەنتتەردىڭ وتكەن ايدا دەمالىس كۇندەرى سوزىلعان ەدى. قىتايداعى ءبىراز ۋنيۆەرسيتەتتە وقۋ باستالىپ كەتكەنىمەن، ءبىرقاتارىندا وقۋ ونلاين- رەجىمگە اۋىستىرىلدى. كوبىنەسە ءبىزدىڭ ستۋدەنتتەر ونلاين- رەجىمدە وقۋىن قازاقستاندا جالعاستىرىپ جاتىر. بارلىق وقۋ ورىندارىندا ونلاين وقۋ جولعا قويىلدى دەپ ايتا المايمىن. سەبەبى قىتايداعى جوعارعى وقۋ ورىندارىنىڭ بارىندە ونداي تەحنيكالىق مۇمكىندىك جوق» ، - دەدى ايبەك سمادياروۆ قازاقپارات ءتىلشىسىنىڭ سۇراعىنا جاۋاپ بەرە وتىرىپ.
ايتسە دە وسىنداي ونلاين وقىتۋعا تەحنيكالىق مۇمكىندىگى جوق ۋنيۆەرسيتەتتەردە وقيتىن جاستاردىڭ جاعدايى نە بولماق؟ سىرتقى ىستەر مينيسترلىگىنىڭ رەسمي وكىلىنىڭ ايتۋىنا قاراعاندا ونداي جاعدايدا قازاقستاندىق ستۋدەنتتەر تىكەلەي ۋنيۆەرسيتتەرگە شىعىپ، ماسەلەلەرىن شەشۋى ءتيىس.
«ەگەر «بولاشاق» باعدارلاماسى بويىنشا بارعان ستۋدەنتتەر بولسا ونداي جاعدايدا كەلىسسوز جۇرگىزەمىز. ال جەكە ءوزى تۇسكەن ستۋدەنتتەردىڭ ماسەلەسىنە ارالاسا المايمىز. ولاردىڭ وزدەرى شەشىم قابىلداپ، تىكەلەي ۋنيۆەرسيتەتپەن سويلەسۋى كەرەك» ، - دەدى ول.
ايبەك سمادياروۆ قىتايدان كوروناۆيرۋس ينفەكسياسى تاراعان ۋحان قالاسىنان كەتۋدەن باس تارتقان ءبىرقاتار قازاقستاندىق ستۋدەنت بارىن دا ايتىپ ءوتتى.
ەسكە سالا كەتسەك 2020 -جىلدىڭ 2 - اقپانىندا ق ر د س م ۇلتتىق شۇعىل مەديتسينا ۇيلەستىرۋ ورتالىعى قىتايدىڭ ۋحان قالاسىنان 83 قازاقستاندىقتى، ونىڭ ىشىندە 80 ستۋدەنتتى ەلگە جەتكىزگەن ەدى.
ارادا ەكى اپتا وتكەننەن كەيىن ۋحاننان ەۆاكۋاتسيالانعان ستۋدەنتتەر ەلورداداعى كوپسالالى مەديتسينالىق ورتالىقتىڭ جۇقپالى اۋرۋلار بولىمىنەن شىعارىلدى. ولاردىڭ ەشبىرىندە كوروناۆيرۋس ينفەكسياسى انىقتالعان جوق.