وبلىس اكىمىنىڭ ورىنباسارى نۇرجان كالەندەروۆ حابارلاعانداي، قاڭتار-اقپان ايلارىنداعى ونەركاسىپ ءوندىرىسىنىڭ ناقتى كولەم يندەكسى وتكەن جىلدىڭ كورسەتكىشىنەن 84 پايىزعا جوعارى دەڭگەيدە قالىپتاسادى دەپ بولجانۋدا.
دەگەنمەن، حيميا ونەركاسىبىندەگى كورسەتكىش كوڭىل كونشىتپەيدى. وعان «قازفوسفات» ج ش س ءبىر پەشىنىڭ ىستەن شىعۋى جانە «Talas Investment Company» ج ش س زاۋىتىنداعى ءبىرقاتار جوندەۋ جۇمىستارى سەبەپ بولىپ وتىر. ال، ازىق- تۇلىك سالاسىنداعى كورسەتكىشتىڭ تومەندەۋى رەسەيلىك ارزان قانتتىڭ قۇيىلۋىنا بايلانىستى تاراز جانە مەركى قانت زاۋىتتارىنىڭ جۇمىسىنىڭ تۇرالاۋىمەن ءتۇسىندىرىلدى.
بۇل ورايدا ماسەلەنى شەشۋ ءۇشىن زاڭنامالىق دەڭگەيدە ءتيىستى شارالار قابىلداۋ قاجەتتىگى ايتىلدى.
سونداي-اق، بۇگىندە «امانگەلدى گوز» ج ش س ءوزىنىڭ جالپى قۋاتىنىڭ بار-جوعى 20 پايىزىندا جۇمىس ىستەپ وتىر. وسى تۇرعىدا كەزدەسىپ وتىرعان كەدەرگىنى ەنەرگەتيكا مينيسترلىگىمەن بىرلەسىپ شەشۋ، قاجەتتى شيكىزاتپەن قامتاماسىز ەتۋ ماسەلەسى كوتەرىلدى. ال «جامبىل گيپس» ج ش س قويماسىنا جينالعان ەكى مىڭ توننا دايىن ءونىمدى ساتۋدا قيىندىق تۋىپ وتىر. 2018 -جىلدىڭ ماۋسىم ايىندا جۇمىسىن توقتاتقان «حانتاۋ» سەمەنت زاۋىتى قازاقستاننىڭ ينۆەستيتسيالىق قورىنا وتكەن. بۇگىندە جاڭا ينۆەستورلار ىزدەستىرىلۋدە.
سونىمەن قاتار، جيىندا ءتيىستى ەرەجەنىڭ وزگەرۋىنەن قورعانىس مينيسترلىگى ءۇشىن دايىندالاتىن 80 مىڭ جۇپ اياق كيىم دايىنداۋ تۋرالى يندۋستريا جانە ينفراقۇرىلىم مينيسترلىگى مەن «تارازكوجوبۋۆ» ج ش س اراسىنداعى كەلىسىمشارت ءوز كۇشىن جويعانى ايتىلدى.
بيىل جالپى قۇنى 88 ميلليارد تەڭگە بولاتىن 18 ينۆەستيتسيالىق جوبانى ىسكە اسىرۋ كوزدەلگەن دەسەك، ونىڭ 11 ى يندۋستريالدىق كارتاعا ەنگىزىلگەن. «قاراپايىم زاتتار ەكونوميكاسى» باعدارلاماسى اياسىندا «قازفوسفات»، «Talas Investment Company»، «سۋپەر فارم»، «مەركە ىرىمشىك زاۋىتى»، «اگروسپەتسستروي» جانە «Mark of Perfection» ج ش س كاسىپورىندارىندا ءوندىرىستى كەڭەيتۋ جوسپارلانعان.
- ونەركاسىپ ەكونوميكانى دامىتۋ جولىندا نەگىزگى كۇشكە يە. ءاربىر باسشى كابينەتتە وتىرماي، كاسىپورىندارمەن تىعىز جۇمىس جاساپ، ولاردىڭ ماسەلەلەرىن زەردەلەي وتىرىپ، شەشۋگە كومەك كورسەتۋ قاجەت. قانت زاۋىتتارىنىڭ جۇمىسىن جانداندىرۋ بويىنشا ۇسىنىستاردى ازىرلەڭىزدەر ولاردىڭ شارۋالار الدىنداعى بورىشتارىن وتەۋ جوسپار- كەستەسىنىڭ ورىندالۋىن باقىلاۋدى كۇشەيتۋ قاجەت. مينيسترلىكتەرمەن تىعىز بايلانىستا جۇمىس ىستەپ، اياق كيىم تىگۋشى كاساپورىنمەن كەلىسىمشارت ورناتۋ كەرەك. باستى مىندەت - ادامداردىڭ تابىسىن ارتتىرۋ، جاڭا جۇمىس ورىندارىن اشۋ جانە جالاقىنى ارتتىرۋ، - دەپ اتاپ ءوتتى ايماق باسشىسى.
قازىرگى تاڭدا شاعىن جانە ورتا كاسىپكەرلىك سالاسىندا وڭىردە بەلسەندى 70,1 مىڭ سۋبەكت تىركەلگەن دەسەك، وندا 125 مىڭ ادام جۇمىس ىستەۋدە. ولارمەن 2019 -جىلى شىعارىلعان ءونىمنىڭ بولجامدىق كورسەتكىشى 500 ميلليارد تەڭگەنى قۇراپ وتىر. اعىمداعى جىلى بەلسەندى سۋبەكتىلەر سانىن 76 مىڭعا دەيىن جەتكىزۋ كوزدەلۋدە دەسەك، ال ولاردىڭ وڭىرلىك جالپى وندىرىستەگى ۇلەسىن قازىرگى 20,5 تەن 23 پايىزعا دەيىن ارتتىرۋ جوسپارلانىپ وتىر.
وبلىس اكىمى جاۋاپتى تۇلعالارعا «بيزنەستىڭ جول كارتاسى-2020» جانە «ەڭبەك» باعدارلامالارى اياسىندا وتكەن جىلى بەرىلگەن گرانتتاردىڭ ءتيىمدى يگەرۋىنە تالداۋ جاساۋدى تاپسىردى. اعىمداعى جىلى وسى ورايدا بولىنگەن قاراجات كولەمىن ارتتىرۋ جايىن قايتا قاراۋ قاجەت.
سونداي-اق وڭىرلىك ۇيلەستىرۋ كەڭەسى ماقۇلداعان 11 جوبانى ينفراقۇرىلىممەن قامتاماسىز ەتۋ دە ماڭىزدى.
باسقوسۋ بارىسىندا ب. ساپاربايەۆ سۋبسيديا العان اۋىل شارۋاشىلىعى تاۋارىن وندىرۋشىلەردىڭ 20 پايىزىن جەرگىلىكتى قايتا وڭدەۋ كاسىپورىندارىنا نەمەسە 10 پايىزدان اسپايتىن ۇستەمە باعامەن تىكەلەي نارىققا جىبەرۋى تۋرالى ۇسىنىستى قولدادى. بۇل الەۋمەتتىك ماڭىزى بار تاۋارلاردىڭ باعاسىن ولاردىڭ نەگىزسىز وسۋىنە جول بەرمەي رەتتەۋگە مۇمكىندىك بەرمەك.
سونداي-اق، بەردىبەك ساپاربايەۆ Doing Business بيزنەس جۇرگىزۋ جەڭىلدىگى بويىنشا رەيتينگتەگى وبلىستىڭ كورسەتكىشتەرىن جاقسارتۋ بويىنشا ناقتى شارالار قابىلداۋدى تاپسىردى.