عىلىمي جاڭالىقتى Diabetes Care جۋرنالى تانىستىردى. جاساندى ۇيقى بەزى دەپ وتىرعانىمىز - جاساندى ينسۋلين سورعى (پومپا) . ونىڭ جاسالعانىنا 30 جىلداي ۋاقىت بولعان. مۇنداي ءپورتاتيۆتى قۇرىلعىنى ديابەتپەن اۋىراتىن ادامدار قولدانادى، اعزاعا جەتپەي جاتقان ءينسۋليندى قانعا جىبەرۋگە كومەكتەسەدى. كەيبىر ناۋقاستار قانداعى گليۋكوزانى اۆتوماتتى تۇردە رەتتەپ وتىراتىن داتچيك ۇستاپ جۇرەدى. ءبىراق مۇنىڭ ءوزى كەي ناۋقاستارعا كومەكتەسە الماي جاتىر. كوبى گيپەرگليكەمياعا ءتۇسىپ كەتەدى. ياعني، باسى اۋىرىپ، مەڭ- زەڭ بولىپ جۇرەدى. باسى اينالىپ، السىرەپ كەتەدى. ءتىلى شاينالىپ قالۋى دا مۇمكىن كەيبىرىنىڭ. ال ناۋقاستاردى مۇنداي دەرتتەن قۇتقارۋدىڭ جولىن ىزدەگەن كانادا عالىمدارى گليۋكوزا مولشەرىن رەتتەپ وتىراتىن ارنايى «اقىلدى» ينسۋلين سورعى ويلاپ تاپقان. ماكگەللا ۋنيۆەرسيتەتىنىڭ عالىمدارى گليۋكوزا مولشەرىن حابارلاپ وتىراتىن ارنايى داتچيك پەن وعان قاجەتتى ينسۋلين گورمانىن جىبەرىپ وتىراتىن قۇرىلعىنى قوسىپ ءبىر اپپارات جاساپ شىققان.
- جاساندى ۇيقى بەزىن ويلاپ تابۋعا داتچيكتىڭ ءوزى كومەكتەستى. قازىر بۇل «اقىلدى» قۇرىلعىنى جاساۋمەن ۋنيۆەرسيتەتتىڭ 12 شتاتتىق قىزمەتكەرى مەن 45 مامان اينالىسىپ جاتىر. ارنايى زەرتحانا قۇرىلدى. بۇل - جاساندى ۇيقى بەزىن جاساپ جاتقان جالعىز كوماندا، - دەيدى زەرتتەۋ توبىنىڭ باسشىسى احماد حايدار (Ahmad Haidar) . عالىمدار ەندى بۇل قۇرىلعىمەن پراملينتيدا گورمانىن دا قانعا جىبەرۋدى ويلاپ وتىر. ديابەتكە شالدىققاندارعا ينسۋلينمەن بىرگە پراملينتيدا گورمانى قاجەت. - زەرتتەۋدىڭ قورىتىندىسىنا تاڭقالدىم. تاجىريبە مۇنداي ءساتتى بولادى دەپ مۇلدەم ويلاماپپىن، - دەيدى عالىم.
ەگەر اتالمىش قۇرىلعى تولىق جاسالىپ بىتسە ءارى وندىرىسكە ەنگىزىلسە، مەديتسينا ءۇشىن ناعىز جاڭالىق بولماق. ويتكەنى بۇل اپپارات ءينسۋليندى قولمەن ەگۋ سىندى باسقا دا قولدى قاجەت ەتەتىن ارەكەتتەردىڭ بارلىعىنان ادا ەتپەك. تولىق جاساندى اعزا جاساپ شىعۋعا مۇمكىندىك بەرەدى.
Massaget.kz