جاپونيادا باستاۋىش سىنىپتىڭ ەكى وقۋشىسى كوروناۆيرۋس جۇقتىرعان
اڭگىمە ناكا- فۋرانو اۋىلىنداعى مەكتەپتىڭ باستاۋىش سىنىپتارىندا وقيتىن اعالى- قارىنداس جايلى. بۇل ەلدى مەكەن ازيالىق تۋريستەر ءجيى كەلەتىن تاۋ- شاڭعى كۋرورتىنىڭ ماڭىندا ورنالاسقان. «قازىر بارلىعى ەم قابىلداپ جاتىر، بالالاردىڭ جاعدايى تۇزەلىپ كەلەدى»، - دەيدى اكىمشىلىك وكىلدەرى.
ال 40 جاستاعى ايەل ساپپورو حالىقارالىق اۋەجايىنىڭ كارانتيندىك قىزمەتىندە جۇمىس ىستەيدى ەكەن. بۇگىنگى تاڭدا كۇنشىعىس ەلىندە كوروناۆيرۋس جۇقتىرعاندار سانى 730-دان اسىپ كەتكەن. ولاردىڭ باسىم بولىگى، ياعني 634- ءى - Diamond Princess كرۋيزدىك لاينەرىنىڭ جولاۋشىلارى مەن ەكيپاج مۇشەلەرى. مۇنىڭ الدىندا Diamond Princess-تە بولعان ەكى جولاۋشىنىڭ وسى ىندەتتەن كوز جۇمعانىن حابارلاعانبىز. كوروناۆيرۋسقا بايلانىستى جاپونيادا ەكى اپتالىق كارانتيندە بولعان كرۋيزدىك لاينەردەن وتكەن ەكى كۇننىڭ ىشىندە 700-گە جۋىق جولاۋشى ۇيلەرىنە قايتارىلدى. وڭتۇستىك كورەيادا العاش رەت كوروناۆيرۋسقا شالدىققان ادام كوز جۇمدى.
www.24.kz