پەتروپاۆلدا تۇماۋدىڭ ورشۋىنە بايلانىستى ءبىر مەكتەپ كارانتينگە جابىلدى
پەتروپاۆلدا رەسپيراتورلىق جۇقپالى اۋرۋلار ءورشىپ تۇر. س ق و دەنساۋلىق ساقتاۋ باسقارماسىنىڭ مالىمەتىنشە، وبلىستىق بالالار اۋرۋحاناسىنىڭ جۇقپالى اۋرۋلار بولىمىنە ۆيرۋستى ينفەكتسيا جۇقتىرعان 40 تان استام بالا كۇندەلىكتى قارالسا، 71 ءى قازىر ەم قابىلداپ جاتىر.
سۋىق تيگىزگەندەر مەن تۇماۋدى جۇقتىرعانداردىڭ ارتۋىنا بايلانىستى قوجابەرگەن جىراۋ اتىنداعى №6 ورتا مەكتەپتى كارانتينگە جابۋعا تۋرا كەلگەن. ءبىلىم ورداسىندا 600 دەن استام وقۋشى وقيدى، سونىڭ 0 استامى دەنساۋلىعىنا بايلانىستى ساباقتى قالدىرعان. بۇدان باسقا قالا مەكتەپتەرىندەگى تاعى 31 سىنىپتا دا وقۋ پروسەسى ۋاقىتشا توقتاتىلدى.
«سانيتارلىق ەپيدەميولوگيالىق تالاپتىڭ ەرەجەلەرىن باسشىلىققا الا وتىرا ءبىلىم ورداسىندا ساباقتار ۋاقىتشا توقتاتىلدى. قازىرگى ۋاقىتتا №9,5,24,26 ورتا مەكتەپتەر مەن «بەست» گيمنازياسىندا كەيبىر سىنىپتار كارانتينگە جابىلدى. بۇل سىنىپتاردا ساباق 5-7 كۇنگە توقتاتىلادى. كۇن سايىن قالاداعى بارلىق مەكتەپ اكىمشىلىگى بىزگە ەسەپ بەرىپ وتىرادى»، - دەيدى پەتروپاۆل قالالىق ءبىلىم ءبولىمى ادىستەمە كابينەتىنىڭ مەڭگەرۋشىسى اينۇر سۇيىندىكوۆا.
ال وبلىستىق ءبىلىم باسقارماسىنىڭ مالىمەتىنشە، اۋدانداردا ازىرشە بالالاردىڭ جاپپاي اۋىرۋ دەرەگى تىركەلگەن جوق.