داۋرەن ابايەۆ: بەيبىت جيىندار تۋرالى زاڭ جوباسى اشىق تالقىلاۋدا تۇر
«وزدەرىڭىز بىلەتىندەي، پرەزيدەنت ۇكىمەتكە ناقتى تاپسىرما بەرىپ، بەيبىت جيىندار تۋرالى جاڭا زاڭ ازىرلەۋدى تاپسىردى. سول كەزدە مەملەكەت باسشىسى ءبىز ميتينگ وتكىزۋدىڭ مادەنيەتىن كوتەرىپ، بۇل ادام قۇقىعىنىڭ اجىراماس بولىگى عانا ەمەس، ۇلكەن جاۋاپكەرشىلىك ەكەنىن دە اڭعارۋىمىز كەرەكتىگىن مالىمدەگەن بولاتىن. قازىرگى تاڭدا قۇجات تالقىلاۋعا اشىق. وسى اپتادا جۇمىس توبى ۇلتتىق كەڭەستىڭ مۇشەلەرىمەن، ساراپشىلارمەن، زاڭگەرلەرمەن، قۇقىق قورعاۋشىلارمەن كەزدەستى. ادىلەت مينيسترلىگىنىڭ الاڭىندا مەملەكەتتىك ورگاندار مەن باق وكىلدەرىنىڭ قاتىسۋىمەن ۆەدومستۆوارالىق كوميسسيانىڭ وتىرىسى وتكىزىلدى. ارينە بۇل تالقىلاۋدىڭ سوڭى ەمەس. ءبىز پىكىر- پايىمداردى جيناقتاپ، ۇسىنىستاردى پىسىقتاۋىمىز كەرەك. زاڭ جوباسى بويىنشا سۇراقتاردىڭ جيناقتالۋىنا بايلانىستى پىكىرتالاس تۋىنداتاتىن بارلىق بولىك بويىنشا ءتۇسىندىرۋ جۇمىستارى جۇرگىزىلەتىن بولادى»، - دەدى داۋرەن ابايەۆ «اشىق ديالوگ» باعدارلاماسىندا.
ەسكە سالا كەتسەك، ق ر اقپارات جانە قوعامدىق دامۋ ۆيتسە- ءمينيسترى دانيار ەسين كەشە ادىلەت مينيسترلىگىندە وتكەن ۆەدومستۆوارالىق كوميسسيا وتىرىسىندا «قازاقستان رەسپۋبليكاسىندا بەيبىت جيىنداردى ۇيىمداستىرۋ جانە وتكىزۋ ءتارتىبى» تۋرالى زاڭ جوباسىنىڭ تۇجىرىمىن تانىستىرعان بولاتىن.