جانىبەك ءالىمحان ۇلى كەزەكتى جەكپە-جەگىنىڭ قاشان وتەتىنىن رەسمي تۇردە حابارلادى
بىلعارى قولعاپ شەبەرى instagram پاراقشاسىندا كەلەسى جەكپە-جەگى ناۋرىز ايىندا وتەتىنىن، سوعان دايىندىق ۇستىندە ەكەنىن مالىمدەدى.
«جەكپە-جەك ناۋرىز ايىندى بولادى، بۇيىرتسا! دايىندىق قىزۋ ءجۇرىپ جاتىر»، - دەپ جازدى بوكسشى.
سوڭعى جەكپە-جەگىن جانىبەك ءالىمحان ۇلى وتكەن جىلى 10- قاراشادا ا ق ش- تىڭ كاليفورنيا شتاتى فرەسنو قالاسىندا وتكىزگەن بولاتىن. 10 راۋدنقا جوسپارلانعان تيتۋلدى جەكپە-جەكتە ول كانادالىق قارسىلاسى البەرت ونولۋنسەنى (24-2-1، 8 ك و) تەحنيكالىق نوكاۋتپەن جەڭگەن بولاتىن.
وسىلايشا جانىبەك كاسىبي رينگتە سەگىزىنشى جەڭىسىنە قول جەتكىزىپ، ونىڭ تورتەۋىن نوكاۋتپەن اياقتادى. سونداي-اق ورتا سالماقتاعى ءوزىنىڭ WBC Continental Americas جانە WBO Global بەلبەۋلەرىن قورعاپ قالدى.
ايتا كەتەيىك، جانىبەك ءالىمحان ۇلى بۇكىل الەمدىك بوكس كەڭەسىنىڭ (WBC) جاڭارتىلعان رەيتينگى بويىنشا ۇزدىك ون بوكسشىنىڭ قاتارىنا كىردى.