قىتاي كوروناۆيرۋسپەن كۇرەستە حالىقارالىق ىنتىماقتاستىققا ۇلكەن ءمان بەرەدى – ش ى ۇ باس حاتشىسى
مۇنداي مالىمدەمەنى شانحاي ىنتىماقتاستىعى ۇيىمىنىڭ (ش ى ۇ) باس حاتشىسى ۆلاديمير نوروۆ جاسادى، دەپ حابارلايدى «قازاقپارات» ح ا ا ءتىلشىسى ش ى ۇ حاتشىلىعىنا سىلتەمە جاساپ.
ۆ. نوروۆ قىتاي باسشىلىعىمەن قۇرىلعان الدىن الۋعا جانە باقىلاۋعا باعىتتالعان جالپىۇلتتىق جۇيە جاقىن ارادا كوروناۆيرۋس ىندەتىن جەڭىپ شىعاتىنىن اتاپ ءوتتى.
«قىتاي حالىقارالىق قاۋىمداستىقتىڭ جاۋاپتى مۇشەسى رەتىندە ءسوز بەن ءىس جۇزىندە ءوز اۋماعىندا جۇرگەندەردىڭ بارلىعىنا بىردەي كوزقاراس تانىتادى جانە قىتايلىقتاردىڭ دا، شەتەلدىك ازاماتتاردىڭ دا دەنساۋلىعى مەن قاۋىپسىزدىگىن ءتيىمدى قورعاۋدى جالعاستىرۋدا»، - دەدى ول.
باس حاتشىنىڭ ايتۋىنشا، ش ى ۇ ەلدەرى ىندەتكە قارسى ءىس-قيمىلدا قىتايعا كومەك كورسەتۋگە، جالپى قاۋىپتىڭ الدىن الۋ ءۇشىن سالالىق مينيسترلىكتەر مەن ۆەدومستۆولاردىڭ جۇمىسىن ۇيلەستىرۋدى كۇشەيتۋگە دايىن.
«ق ح ر-دىڭ حالىقارالىق قوعامداستىقتىڭ بەلسەندى ىنتىماقتاستىعى كەزىندەگى ۇيلەستىرىلگەن ءىس- قيمىلىنىڭ ارقاسىندا ىندەتتىڭ تارالۋى توقتاتىلاتىن بولادى دەگەن سەنىمدەمىن»، - دەپ اتاپ ءوتتى ۆ. نوروۆ.