ابايعا ارنالعان كىتاپ كورمەسى اشىلدى

قىزىلوردا. قازاقپارات - قىزىلوردادا ءا. تاجىبايەۆ اتىنداعى وبلىستىق امبەباپ عىلىمي كىتاپحاناسىندا جىل بويى جۇمىس جاسايتىن «كەمەڭگەرلىكتىڭ بيىك شىڭى - اباي» اتتى كىتاپ كورمەسى اشىلدى، دەپ حابارلايدى قازاقپارات ءتىلشىسى.

كىتاپ كورمەسى «مەن جازبايمىن ولەڭدى ەرمەك ءۇشىن»، «الەم كلاسسيكتەرى - اباي اۋدارمالارىندا»، «ابايدىڭ فيلوسوفيالىق دۇنيەتانىمى»، «ۇڭىلسەڭ كوزىڭ جەتە مە، تەڭىزدەن تەرەڭ سىرى بار...» اتتى بولىمدەردەن تۇرادى.

كورمەگە اقىننىڭ شىعارمالارىمەن قاتار، بەلگىلى ابايتانۋشى مەكەمتاس مىرزاحمەت ۇلىنىڭ «اباي تانۋ» كىتابىنىڭ 2 تومدىعى، «داڭقتى ادامدار» سەرياسىنان «اباي»، م. اۋەزدىڭ «ءدىلىم»، ب. ەردەمبەكوۆتىڭ «اباي تانۋ»، «اباي - پۋشكين» شىعارمالارى قويىلدى. سونداي-اق، زاكي احمەتوۆتىڭ «اباي جانە لەرمونتوۆ»، «جيزن زامەچاتەلنىح ليۋدەي» سەرياسىنان ن. اناستاسيەۆتىڭ «اباي»، د. دوسجانوۆتىڭ «ابايدىڭ رۋحى»، ر. سىزدىقوۆانىڭ «اباي شىعارمالارىنىڭ ءتىلى» كىتابىنىڭ 3 تومدىعى جانە وزگە دە دۇنيەلەر كوپشىلىك نازارىنا ۇسىنىلدى.

بۇدان بۇرىن قىزىلوردادا «اباي» سپەكتاكلى ساحنالانعانىن جازعان ەدىك.