ەلوردادا ەرلان سىدىقوۆتىڭ «قۇنانباي» اتتى كىتابى تانىستىرىلدى
ەلوردادا ق ر ۇلتتىق عىلىم اكادەمياسى، حالىقارالىق تۇركى اكادەمياسى، قازاقستان جازۋشىلار وداعى، ق ر ۇلتتىق اكادەمياسى بىرىگىپ تاريحي- عۇمىرباياندىق كىتاپتىڭ تۇساۋكەسەرىن وتكىزدى.
«شاكارىم» كىتابى دا «جيزن زامەچاتەلنىح ليۋدەي» سەرياسىمەن شىققان. بۇل كىتاپتاردى «ج ز ل» سەرياسىمەن شىعارعانىم - قازاق تۇسىنەتىن شاكارىمدى ورىس، اعىلشىن تىلدەرىن پايدالانا وتىرىپ شەتەلدىك وقىرماندارعا جەتكىزسەم دەگەن وي. وسىلايشا شاكارىم تۋرالى ورىس تىلىندە جازىلعان تاريحي- بيوگرافيالىق كىتاپ ماسكەۋدە جارىق كورگەن. ودان كەيىن بىردەن قىتاي باسپاگەرلەرى، تۇرىك باسپاگەرلەرى، اعىلشىن باسپاگەرلەرى مەنىڭ رۇقساتىمدى الىپ، سول تىلدەرگە اۋدارى. قازىرگى ۋاقىتتا «شاكارىم» كىتابى التى تىلدە جارىق كورگەن»، - دەيدى ەرلان سىدىقوۆ.
ول باستاعان ءىسىن جالعاستىرىپ، قۇنانباي تۋرالى كىتاپ جازۋدى قولعا العانىن ايتتى.
«مەن كاسىبي تاريحشىمىن. وسى ۋاقىتقا دەيىن تاپقان ماتەريالداردى جيناقتاپ، كىتاپ جازىپ، ول ماسكەۋدەن شىعىپ، ءبىزدى قۋانىشقا بولەپ وتىر. ال «نەگە قۇنانباي؟ « دەگەن سۇراققا كەلەر بولساق، ءبىز قۇنانبايدى مۇحتار اۋەزوۆتىڭ «اباي جولىنداعى» كەيىپكەر سياقتى قابىلداپ وتىرمىز. جازۋشىنىڭ ۇلىلىعىنىڭ ارقاسىندا دۇنيەگە وسىنداي وبرازدار كەلدى، ءبىراق قانشا ايتقانمەن ول - كىتاپتاعى وبراز عانا. قۇنانباي - تاريحي تۇلعا. ونىڭ ناقتى ءومىرى، قورشاعان ورتاسى مەن ىستەگەن ىستەرى بولدى. قۇنانبايدى زەرتتەگەن كەزدە تاپتىق كوزقاراستى، پارتيالىق پرينتسيپتى الىپ تاستاپ، تاريحي وبەكتيۆتى كوزقاراسپەن كورسەتۋ كەرەك بولدى. بۇل ۇلكەن كەشەندى زەرتتەۋلەردىڭ ءبىر باعىتى عانا. بۇل كىتاپتى جازۋ بارىسىندا ومبى، نوۆوءسىبىر، شىعىس قازاقستان، ورتالىق قازاقستانداعى ارحيۆ قۇجاتتار قولدانىلدى»، - دەيدى ول.
اتالعان كىتاپ 3 مىڭ دانامەن جارىق كورگەن.
اۆتور: زارينا قاھارمان