اۆستراليا استاناسىنا قاۋىپ ءتونىپ تۇر

نۇر- سۇلتان. قازاقپارات - اۆستراليا استاناسى كانبەررادا ورمان ورتىنە بايلانىستى توتەنشە جاعداي جاريالاندى.

اۆستراليا استاناسىندا 2003 -جىلدان بەرى العاش رەت توتەنشە جاعداي جاريالانىپ وتىر. ايماقتا ءورت سالدارىنان اۋا تەمپەراتۋراسى وتە جوعارى. 30 قاڭتاردا وڭتۇستىك اۆستراليا شتاتىندا اۋا تەمپەراتۋراسى +40 گرادۋسقا جەتكەن. الداعى دەمالىس كۇندەرى سيدنەيدىڭ كەيبىر اۋداندارىندا اۋا تەمپەراتۋراسى +45 بولادى دەپ كۇتىلۋدە. ءورتتىڭ ەل استاناسىنىڭ وڭتۇستىگىنە دە زاقىم كەلتىرۋى مۇمكىن.

كانبەررا اۋماعىنا ورمان ورتىنە بايلانىستى قاۋىپ ءتونىپ تۇر، - دەپ مالىمدەدى ءوڭىردىڭ باس ءمينيسترى ەندريۋ بارر.

ەستەرىڭىزگە سالا كەتەيىك، وتكەن جىلدىڭ قازان ايىنان باستاپ اۆستراليادا ورمان ءورتى ءورشىپ تۇر. سالدارىنان ميلليونداعان گەكتار جەر ورتەنىپ، ەكى مىڭنان استام ءۇي قيرادى.