كەلەر جىلدان باستاپ جوعارى وقۋ ورىندارى جەكە ۇلگىدەگى ديپلوم بەرە باستايدى
كەزدەسۋ بارىسىندا ءبىلىم جانە عىلىم ءمينيسترى پەداگوگيكالىق جوعارى وقۋ ورىندارىنىڭ ستۋدەنتتەرىن مەكتەپتەرگە جۇمىس ىستەۋگە شاقىردى.
ءبىلىم جانە عىلىم مينيسترلىگىنىڭ باسشىسى 2021 -جىلدان باستاپ جوعارى وقۋ ورىندارىنىڭ مەملەكەتتىك ۇلگىدەگى ەمەس، جەكە ۇلگىدەگى (اسكەري جانە ارنايى وقۋ ورىندارىن قوسپاعاندا) ديپلوم بەرۋى تۋرالى نورما كۇشىنە ەنەتىنىن ايتتى. بۇل جوعارى وقۋ ورىندارى اراسىنداعى باسەكەلەستىكتى ارتتىرىپ، ۇسىنىلاتىن ءبىلىم بەرۋ قىزمەتتەرىنىڭ ساپاسىنا قاتىستى جاۋاپكەرشىلىكتىڭ ءوسۋىن قامتاماسىز ەتپەك.
ا. ايماعامبەتوۆتىڭ ايتۋىنشا، ەندى جۇمىس بەرۋشىلەر ديپلومعا ەمەس، تۇلەكتىڭ قۇزىرەتتەرىنە كوبىرەك كوڭىل بولەدى. جۇمىسقا ورنالاستىرۋ كەزىندە جوعارى وقۋ ورنىنىڭ بەدەلى مەن يميدجى باستى ءرول اتقاراتىن بولادى.
«ستۋدەنتتەر مەن ولاردىڭ اتا- انالارىن ج و و تاڭداۋدا مۇقيات بولۋعا شاقىرامىز. سونىمەن قاتار، مىنا اسپەكتىلەرگە نازار اۋدارۋ قاجەت:
- الەمنىڭ ۇزدىك جوعارى وقۋ ورىندارى رەيتينگىسىندە ج و و- نىڭ پوزيتسياسى
- QS جانە «اتامەكەن» ۇ ك پ رەيتينگىسىندە ءبىلىم بەرۋ باعدارلامالارى؛
- ج و و مارتەبەسى مەن اكادەميالىق بەدەلى؛
- ۇسىنىلاتىن ءبىلىم بەرۋ قىزمەتتەرىنىڭ ساپاسى»، - دەدى اسحات ايماعامبەتوۆ.
ءبىلىم بەرۋ قىزمەتتەرىن باعالاۋعا اسەر ەتەتىن ءارى ەڭبەك نارىعى ۇسىنىپ وتىرعان نەگىزگى فاكتورلارعا – ج و و تۇلەكتەرىنىڭ جۇمىسقا ورنالاسۋ پايىزى جانە ولاردىڭ ەڭبەك نارىعىندا سۇرانىسقا يە بولۋى، جوو- نىڭ اككرەديتتەۋدەن ءوتۋى، ءبىلىم بەرۋ باعدارلامالارىنىڭ وزەكتىلىگى جانە تاعى باسقالارى.
زاڭناماعا سايكەس ستۋدەنتتەرگە قىسقى جانە جازعى كانيكۋل كەزىندە ءبىر ج و و- دان ەكىنشىسىنە اۋىسۋ مۇمكىندىگى بەرىلگەندىگىن ايتا كەتكەن ءجون.
بۇگىنگى تاڭدا قر ءبىلىم جانە عىلىم مينيسترلىگى ەلىمىزدىڭ جوعارى وقۋ ورىندارىندا ءبىلىم بەرۋ سالاسىنداعى زاڭنامانىڭ ساقتالۋىنا تەكسەرۋ جۇمىستارىن جۇرگىزۋدە. زاڭناما تالاپتارىنىڭ بۇزىلۋى جانە ساپاسىز ءبىلىم بەرۋ قىزمەتتەرىن ۇسىنۋ فاكتىلەرى انىقتالعان جاعدايدا جوعارى وقۋ ورىندارىن ليتسەنزيادان ايىرۋ نەمەسە توقتاتا تۇرۋ بويىنشا شارالار قابىلدانادى.