گەرمانيا قازاقستانمەن ەكونوميكالىق ىنتىماقتاستىقتى كەڭەيتۋگە مۇددەلى
تاراپتار سونداي-اق الداعى كەزدەسۋلەر مەن جوعارى دەڭگەيدەگى ساپارلاردىڭ كۇنتىزبەلىك جوسپارىن تالقىلادى، دەپ حابارلايدى قازاقپارات.
گەرمانيا س ءى م باسشىسى ح. م ا ا س ق ر پرەزيدەنتىنىڭ بەيبىت جينالىستار بوستاندىعى، ساياسي پارتيالاردى قالىپتاستىرۋ، ءولىم جازاسىن جويۋ جانە باسقا دا سالالاردا جۇرگىزىپ جاتقان رەفورمالارىن جوعارى باعالادى.
سونىمەن قاتار، م. تىلەۋبەردى گ ف ر ءىرى كومپانيالارىنىڭ باسشىلارىمەن ءبىرقاتار ەكىجاقتى كەزدەسۋلەر وتكىزىپ، قالدىقتاردى قايتا وڭدەۋ جانە كادەگە جاراتۋ، كولىك-لوگيستيكالىق بيزنەستى دامىتۋ، سيفرلاندىرۋ جانە اقپاراتتىق تەحنولوگيالار سالاسىنداعى ىنتىماقتاستىقتى ارتتىرۋ مۇمكىندىكتەرى مەن ناقتى جوبالاردى تالقىلادى.
نەمىس بيزنەسمەندەرى پرەزيدەنت ق. توقايەۆتىڭ گ ف ر- عا جەلتوقسان ايىندا جاساعان ساپارىنىڭ قورىتىندىسىن، ولارعا ۇسىنىلعان نەمىس كومپانيالارى ءۇشىن قولداۋدىڭ بىرەگەي شارتتارىن جانە ق ر پرەمەر-ءمينيسترىنىڭ ورىنباسارى توراعالىعىمەن گەرمان ينۆەستورلارىمەن ءوزارا ءىس-قيمىل جاساۋ ءۇشىن ارنايى جۇمىس توبىن قۇرۋىن جاعىمدى باعالادى. سول كۇنى قازاقستان س ءى م باسشىسى گەرمان تاراپىنىڭ شاقىرۋىمەن قۇرمەتتى قوناق رەتىندە گەرمان ەكونوميكاسى شىعىس كوميتەتىنىڭ (گ ە ش ك) جاڭا جىلدىق قابىلداۋىندا ءسوز سويلەدى. ءىس-شاراعا گ ف ر، شىعىس ەۋروپا جانە ورتالىق ازيا ەلدەرىنىڭ مەملەكەتتىك ورگاندارىنىڭ باسشىلارى، جەتەكشى گەرمان كومپانيالارى مەن بيزنەس-قاۋىمداستىقتاردىڭ باسشىلارى قاتىستى.
مينيستر م. تىلەۋبەردى ءوز سوزىندە ەكى ەلدىڭ بيزنەس-قوعامداستىقتارى اراسىنداعى ىسكەرلىك بايلانىستاردى نىعايتۋعا قوسقان قوماقتى ۇلەسى ءۇشىن شكگە- گە العىسىن ءبىلدىردى. «ءبىز ءۇشىن گ ف ر - ەۋرووداقتاعى نەگىزگى سەرىكتەس. ءبىز گەرمانيا قازاقستانمەن ىنتىماقتاستىققا اسا ماڭىزدى ءمان بەرەتىنىنە قۋانىشتىمىز. ءبىزدىڭ ەلىمىزگە گەرمانيانىڭ ورتالىق ازيامەن تاۋار اينالىمىنىڭ � كەلەدى. قازاقستاندا جۇمىس ىستەيتىن 900 گە جۋىق نەمىس كومپانياسى ءبىزدىڭ ەكونوميكانى جاڭعىرتۋ مەن دامىتۋعا ەلەۋلى ۇلەس قوسۋدا»، - دەپ تۇيىندەدى سىرتقى ساياسي ۆەدومستۆو باسشىسى.
مينيستر نەمىس بيزنەسمەندەرىن قازاقستانعا ينۆەستيتسيا سالۋعا شاقىرىپ، قازاقستاندىق نارىقتىڭ ينۆەستيتسيالىق تارتىمدىلىعىن ارتتىراتىن جانە ءوزارا ءتيىمدى قىزمەت ءۇشىن مۇمكىندىكتەردى ايتارلىقتاي كەڭەيتەتىن ءبىرقاتار پرەفەرەنتسيالار مەن جەڭىلدىكتى شارتتاردى اتاپ ءوتتى. ىسكەرلىك توپتار ق ر- داعى ينۆەستيتسيالىق جوبالارىن جانە قاتىسۋىن ارتتىرۋعا مۇددەلى ەكەندىكتەرىن ءبىلدىرىپ، سونداي-اق نەمىس جوبالارىنا ق ر باسشىلىعىنا ەرەكشە كوڭىل بولگەنى ءۇشىن العىس ءبىلدىردى.
ءىس-شارا اياسىندا م. تىلەۋبەردى گ ف ر ەكونوميكا جانە ەنەرگەتيكا فەدەرالدىق ءمينيسترى پەتەر التمايەرمەن كەزدەسىپ، ول قازاقستان باسشىلىعىنا نەمىس بيزنەسىنە ەرەكشە نازار اۋدارعانى ءۇشىن، گەرمانيانىڭ قازاقستاندىق نارىققا قاتىسۋىن كەڭەيتۋگە جانە ءبىزدىڭ ەلىمىزگە جانە جالپى وڭىرگە ينۆەستيتسيالاردى ارتتىرۋعا ءازىر ەكەندىگى ءۇشىن العىسىن ءبىلدىردى. ول اعىمداعى جىلدىڭ ماۋسىم ايىندا د س ۇ- نىڭ 12-مينيسترلىك كونفەرەنتسياسىنا قاتىسۋ ءۇشىن نۇر-سۇلتان قالاسىنا ساپار جاساۋعا دايىندىعىن راستادى.
قازاقستان س ءى م باسشىسىنىڭ بەرلينگە ساپارى مەملەكەت باسشىسىنىڭ 2019-جىلعى جەلتوقسانداعى رەسمي ساپارى بارىسىندا بەرىلگەن ەكىجاقتى ءوزارا ءىس-قيمىلدىڭ جوعارى قارقىنىن راستادى.
گەرمان ەكونوميكاسىنىڭ شىعىس كوميتەتى 1952-جىلى قۇرىلعان. ۇيىمنىڭ نەگىزگى ماقساتى شەتەلدەگى گەرمان بيزنەسىن قولداۋ، قۇقىقتىق قاۋىپسىزدىك پەن نورماتيۆتىك تالاپتاردى قامتاماسىز ەتۋ، ساۋدا جانە ۆيزالىق كەدەرگىلەردى جويۋ، جالپى ەۋروپالىق ەكونوميكالىق كەڭىستىك قۇرۋ بولىپ تابىلادى. ستارتاپ پەن وتباسىلىق كومپانيالاردان باستاپ DAX يندەكسىنە كىرەتىن ءىرى اكتسيونەرلىك قوعامدار مەن ت ن ك- عا دەيىن 200 گە جۋىق ءتۇرلى كاسىپورىنداردى بىرىكتىرەدى.
ۇيىم، ساراپشىلاردىڭ پىكىرىنشە، ا ق ش پەن ق ح ر- دان وزىپ، نەمىس سىرتقى ساۋدا كولەمى بويىنشا ءبىرىنشى ورىندى الاتىن ايماق - شىعىس ەۋروپا مەن ورتالىق ازيانىڭ 28 ەلىندە نەمىس بيزنەسىنىڭ مۇددەلەرىن بىلدىرەدى.