الەمدەگى ەڭ ەرەكشە مۇراجايلار تۋرالى نە بىلەمىز

ادام باس سۇيەكتەرى قويىلعان مۇراجاي. ميۋتتەر مۇراجايى، فيلادەلفيا

 فيلادەلفياداعى ميۋتتەر مۇراجايى - الەمدەگى ەڭ ەجەلگى كوممەرتسيالىق ەمەس ۇيىمداردىڭ ءبىرى. مۇندا ادامداردا بولاتىن كوپتەگەن باس- مي اۋرۋلارى تانىستىرىلادى. مۋزەيدە البەرت ەينشتەيننىڭ ميىنىڭ ءبىر بولىگى ساقتالعان. 139 ادامنىڭ باس سۇيەگى قويىلعان. سونداي- اق وتكەن عاسىرلارداعى مەديتسينا قۇرالدارىن تاماشالاۋعا بولادى.

كانكۋنداعى سۋ استى مۇراجايى. مەكسيكا كانكۋن

 سۋ استى مۇراجايىندا مارجان وسىرۋگە كومەكتەسەتىن ماتەريالداردان جاسالعان 500 دەن استام ءمۇسىن قويىلعان. ولار سۋ استىندا 4521 شارشى مەتردى الىپ جاتىر.

 پورتلەندتەگى حالىقارالىق كريپتوزوولوگيا مۋزەيى، ا ق ش

 بۇل مۇراجاي بەيمالىم، ءتىپتى ولاردىڭ تىرشىلىك ەتكەندىگى دالەلدەنبەگەن جانۋارلاردى زەرتتەۋگە ارنالعان.

 رامەن مۇراجايى. وساكا، جاپونيا

رامەنننىڭ جاپوندىقتاردىڭ ءداستۇرلى كەسپە تاعامى ەكەنى بارىنە ءمالىم. ءتىپتى وعان وساكا قالاسىندا تۇتاس ءبىر مۇراجاي ارنالعان. مۇراجايدا كەلۋشىلەر رامەننىڭ پايدا بولۋ تاريحىن ءبىلىپ، ءوز قولدارىمەن رامەن ازىرلەي الادى. مۇراجايدا 800 قالتا رامەنمەن بەزەندىرىلگەن تۋننەل بار.

 يتتەردىڭ قارعىباۋلارىنا ارنالعان مۇراجاي. انگليا

 مۇراجاي XII عاسىرعا جاتاتىن قامالدا ورنالاسقان. مۇراجايدان قارعىباۋلاردىڭ التىن جالاتىلعان باروككو كەزەڭىنەن باستاپ قازىرگى كەزگە دەيىنگى بارلىق تۇرلەرىن تاماشالۋعا بولادى. سيرەك كەزدەسەتىن جادىگەرلەردىڭ ءبىرى - XV عاسىرداعى ماستيف تۇقىمدى يتكە ايۋلار مەن قاسقىرلاردان قورعاۋ ءۇشىن تاعىلعان قارعىباۋ.

 نيدەرلاندىداعى ميكروبتار مۇراجايى

 امستەردامداعى بۇل مۇراجاي الەمدەگى ەڭ كىشكەنتاي ورگانيزمدەرمەن تانىستىرادى. ول نيدەرلاندىداعى ەڭ كونە Natura Artis Magistra زووباعىنىڭ ىشىندە ورنالاسقان.

www.24.kz