تالدىقورعانداعى اۋقىمدى اكسياعا ق ر پارلامەنتىنىڭ دەپۋتاتتارى مەن سەناتورلارى، ءوڭىر باسشىلارى قاتىسىپ جاستارعا ساتتىلىك تىلەدى، دەپ حابارلايدى قازاقپارات ءتىلشىسى.
الماتى وبلىسىندا قازىرگى تاڭدا 1043 ۆولونتەر جۇمىس ىستەپ جاتىر. 19 ۇيىم قۇرىلعان. وڭىردە ەرىكتىلەر سانى الداعى ۋاقىتتا ەسەلەنە تۇسپەك. جينالعان جۇرت الدىندا ءسوز العان ءوڭىر جاستارى ۆولونتەر بولۋ ءاربىر ادامنىڭ قولىنان كەلەتىندىگىن ايتىپ، قايىرىمدى، مەيىرىمدى بولۋعا شاقىردى. تالدىقورعانداعى بەلسەندى ەرىكتىلەردىڭ ءبىرى ەرجان داۋلەتبايەۆتىڭ ايتۋىنشا بۇگىنگى تاڭدا ۆولونتەرلىقتىڭ كوپتەگەن باعىتى بار.
«اعىلشىن ءتىلىن ۇيرەتۋ، باسقا دا ساباقتار بەرۋ، نەمەسە ادامدارعا پسيحولوگيالىق قولداۋ كورسەتۋ سياقتى. زووۆولونتەرستۆو دەيمىز. ياعني جانۋارلارعا، تابيعاتقا كومەكتەسۋ. سوندىقتان دا ەرىكتىلىك دەگەنىمىز ەڭ بىرىنشىدەن ادامنىڭ جۇرەگىنەن شىعىپ جاتقان تىڭ دۇنيە. ءوزىمىزدىڭ قانىمىزدا بار دۇنيە دەپ ايتساق تا بولادى»، دەدى ول.
سالتاناتتى باسقوسۋدا سپورت جانە ونەر سالاسىندا تانىلىپ جۇرگەن جاستار دا ءسوز سويلەپ، ءوز ويلارىن ورتاعا سالدى.
«100 جاڭا ەسىم» جوباسىنىڭ جەڭىمپازدارى، پاراليمپيادا ويىندارىنىڭ جۇلدەگەرلەرى، اقىندار مەن ءوڭىردىڭ بەلسەندى جاستارى پرەزيدەنت باستاماسىنا قولداۋ ءبىلدىرىپ، ەرىكتىلەر قوزعالىسىن ەلىمىزدىڭ اۋقىمدى الەۋمەتتىك ماسەلەلەرىن شەشۋگە باعىتتاپ، 2020 -جىلدى قايىرىمدى ىستەر جىلىنا اينالدىرۋعا ۇندەۋ تاستادى. ۆولونتەر جىلىنا ارنالعان كەش قازاق ەستراداسى جۇلدىزدارىنىڭ كونتسەرتىنە ۇلاستى.