«قۇرىلىس الاڭدارىندا اينالما جولداردى قاراستىرۋ جانە ءىرى جۇك كولىكتەرىنىڭ دوڭگەلەكتەرىن جۋىپ- تازالاۋ شارالارى قابىلدانباي جاتىر. وتكەن جىلى ءتيىستى جۇمىستار اتقارىلعان بولاتىن. وسىنداي ءتارتىپ بۇزۋشىلىقتار ءۇشىن 120-عا تارتا قۇرىلىس كومپانياسى جاۋاپكەرشىلىككە تارتىلدى. ونىڭ ىشىندە جارتىسىندا اتالعان فاكتىلەر قايتالانىپ وتىر»، - دەدى ا. لۋكين ەلورداداعى پوليتسيا دەپارتامەنتىنىڭ ۇجىمىمەن كەزدەسۋ بارىسىندا.
وسى ورايدا ول قۇرىلىس سالۋشىلار مۇنداي جاعدايدا تەك ايىپپۇل تولەۋمەن شەكتەلەتىنىن اتاپ ءوتتى.
«وسىنداي جاعدايلارعا قۇرىلىسى قارقىندى ءجۇرىپ جاتقان ەسىل اۋدانىنىڭ پوليتسەيلەرى ءجيى تاپ بولادى. سونىمەن قاتار، بايقوڭىر اۋدانى بويىنشا جەكە سەكتوردىڭ ۇلەسى باسىم. سوندىقتان ولار دا مۇنداي پروبلەمالاردى شەشۋى ءتيىس»، - دەدى سەناتور.
بۇل تۇرعىدا ول قۇرىلىس الاڭدارىن دوڭگەلەكتى جۋاتىن پۋنكتەرمەن جاساقتاۋ، اينالما جولداردى ەسكەرۋ شارالارىن زاڭنامالىق تۇردە رەتتەۋدى ۇسىندى. ەگەر دە وسى باعىتتاعى جۇمىستار ىسكە اسىرىلماسا، وندا قۇرىلىسقا رۇقسات بەرمەۋ ماسەلەسى كوتەرىلەدى.
فوتو: senate.parlam.kz