قۇجاتتا اتالمىش مەملەكەتتەر ا ق ش- تىڭ يراننىڭ يادرولىق باعدارلاماسى بويىنشا جان- جاقتى قامتىلعان بىرلەسكەن ءىس- قيمىلدار جوسپارىنان (جوسپار) شىعۋ جانە تەگەرانعا قارسى سانكسيالاردى جانداندىرۋ شەشىمىنە وكىنىش جانە الاڭداۋشىلىق بىلدىرەتىنىن ەسكە سالدى.
ءۇش ەلدىڭ باسشىلارى اناعۇرلىم كۇردەلەنە تۇسكەن جاعدايلارعا قاراماستان، ولار بۇل كەلىسىمدى ساقتاپ قالۋ ءۇشىن بارىن سالعاندارىن اتاپ وتكەن.
«يراننىڭ يادرولىق باعدارلاماسى بويىنشا جان- جاقتى قامتىلعان بىرلەسكەن ءىس- قيمىلدار جوسپارىندا قالىپ وتىرعان تاراپتار - قىتاي، فرانسيا، گەرمانيا، رەسەي، ۇلى بريتانيا، يران جانە ۇيلەستىرۋشى رەتىندەگى ەۋروپالىق وداق جوسپاردى ساقتاپ قالۋ تۋرالى بۇلجىماس شەشىمىن قۋاتتادى» ، - دەلىنگەن مالىمدەمەدە.
گەرمانيا، ۇلىب ريتانيا جانە فرانسيا ليدەرلەرى يراننىڭ كەلىسىمگە سايكەس ءوز مىندەتتەمەلەرىن تولىعىمەن ورىنداۋعا ورالۋىنىڭ ماڭىزدىلىعىن قاداپ ايتتى.
«ءبىز 2019 -جىلعى شىلدەدەن باستاپ ءوز مىندەتتەمەلەرىن بۇزۋعا قاتىستى يران تاراپىنىڭ ارەكەتتەرىنە ۇلكەن الاڭداۋشىلىعىمىزدى بىلدىردىك. بۇل ارەكەتتەر توقتاتىلۋى ءتيىس. جوسپاردى ساقتاپ قالۋ ءۇشىن ونىڭ بارلىق ەرەجەلەرىن قولدانىپ، ونىڭ شەڭبەرىندە يراننىڭ جوسپار بويىنشا ءوز مىندەتتەمەلەرىن ورىنداۋىنا قاتىستى ماسەلەلەردى شەشەتىن بولامىز» ، - دەلىنگەن قۇجاتتا.
ەستەرىڭىزگە سالا كەتەيىك، 2015 -جىلدىڭ شىلدە ايىندا ب ۇ ۇ قاۋىپسىزدىك كەڭەسى يادرولىق قارۋدى تاراتپاۋ جونىندەگى جاھاندىق رەجىمنىڭ نەگىزى بولىپ تابىلاتىن يراننىڭ يادرولىق باعدارلاماسى بويىنشا جان- جاقتى قامتىلعان بىرلەسكەن ءىس- قيمىلدار جوسپارىن ءبىراۋىزدان قابىلداعان بولاتىن. شارتقا يران جانە حالىقارالىق دەلدالداردىڭ «التىلىعى» - ۇلى بريتانيا، گەرمانيا، قىتاي، رەسەي، ا ق ش جانە فرانسيا قول قويدى. تەگەران سانكسيالاردى الىپ تاستاۋ شارالارىنىڭ ورنىنا اتوم سالاسىنداعى ءوز زەرتتەۋلەرىن شەكتەۋگە كەلىستى.