«ءبىرىنشى ەسكەرتۋ جاسالادى دەپ ايتتىڭىز. ول ەسكەرتۋگە كونبەي، ءۇي ءىشىنىڭ تاعى دا شىرقىن بۇزاتىن بولسا، بۇل ادام قاماۋعا الىنادى. كەيىن قاماۋدان شىعىپ، تاعى دا ءۇي ءىشىنىڭ بەرەكەسىن الاتىندارعا شارا قولدانۋ كوزدەلگەن بە؟»، - دەپ سۇرادى تەلەارنا ءتىلشىسى باس پروكۋروردىڭ ورىنباسارىنان.
ءوز كەزەگىندە مارات احمەتجانوۆ مۇنداي جاعدايدا ءتيىستى جازا ەسكەرىلگەنىن اتاپ ءوتتى.
«ەسكەرتۋ دەگەن بارىنە بىردەن قولدانىلمايدى. سوت ءىستىڭ ءمان-جايىن زەردەلەپ، ادامنىڭ ارەكەتتەرىنە نازار اۋدارادى. وسى ورايدا اتالعان ادام جاساعان قۇقىق بۇزۋشىلىعىنا وكىنىپ جاتىر ما؟ جابىرلەنۋشى ونى كەشىردى مە؟ تولىق مويىنداپ، كەلتىرگەن زالالىن وتەپ جاتىر ما؟ ياعني بۇل جاعدايلاردىڭ بارلىعىنا باعا بەرىلىپ، سوسىن عانا ەسكەرتۋ جاسالادى. ال ەگەر بۇل قۇقىق بۇزۋشىلىق قايتالانىپ جاتسا، ول ادام 20 تاۋلىككە دەيىن قاماۋعا الىنادى. ەكى جانە ودان كوپ مارتە قايتالانسا، وندا بۇل ءىس قىلمىستىق قۋدالاۋعا جاتادى»، - دەپ ءتۇسىندىردى ق ر باس پروكۋرورىنىڭ ورىنباسارى.
بۇل تۇرعىدا جۇيەلى تۇردە جابىرلەۋ ماسەلەسى ەسكەرىلىپ، 7 جىلعا دەيىن باس بوستاندىعىنان ايىرۋ كوزدەلىپ وتىر.
«سوتتا قارالعاننان كەيىن، سوت شەشىمى قابىلدانعان جاعدايدا، وسى وقيعالار تىزىمگە ەنگىزىلەدى. بۇل فاكتىلەر جابۋلى قازان كۇيىندە قالمايدى، ياعني وسىنىڭ بارلىعى مىنەزدەمە رەتىندە قارالادى»، - دەدى ول.