ا ق ش- تىڭ ب ۇ ۇ- عا قارىزى بۇرىنعىشا $491 ميلليون بولىپ وتىر، دەپ حابارلايدى تۇركيانىڭ انادولۋ اگەنتتىگى.
ب ۇ ۇ- عا مۇشە ليۆان، ۆەنەسۋەلا، ورتالىق افريكالىق گامبيا، لەسوتو، تونگا جانە يەمەن سياقتى بارلىعى 7 مەملەكەت ۇيىمنىڭ بيۋجەتىنە تولەنەتىن جارنا تولەمەۋى سەبەپتى باس اسسامبلەيادا داۋىس بەرۋ قۇقىعىنان ۋاقىتشا ايىرىلدى.
ب ۇ ۇ جارعىسىنىڭ 19- بابىنا سايكەس، ەگەر ۇيىمعا قارىزى ەكى جىلدا تولەنۋى ءتيىس كولەمنەن اسىپ كەتسە، مەملەكەت ب ۇ ۇ باس اسسامبلەياسىندا داۋىس بەرۋ قۇقىنان ايىرىلادى.
وتكەن جىلى ب ۇ ۇ- عا مۇشە 193 مەملەكەتتىڭ 146 سى ۇيىمعا جارنالارىن تولىق تولەگەن. جارنانى ۇيىمعا مۇشە 47 مەملەكەت تولەمەگەن. ا ق ش- تىڭ قارىزى بۇل رەتتە 491 ميلليون دوللاردى قۇراپ وتىر.