بۇل تۋرالى يراننىڭ يرنا اگەنتتىگى حابارلادى.
ول ادامنىڭ قاتەلىگىنەن ۋكراينا ۇشاعىنىڭ قۇلاعانىنان وكىنەتىنىن ايتتى.
«وكىنىشكە قاراي، ادام فاكتورى مەن قاتە ىسكە قوسىلعان زىمىراننىڭ سوڭى ۇلكەن اپات اكەلدى. مەن يراننىڭ پرەزيدەنتى رەتىندە وسى ۇلكەن اپاتتىڭ سالدارىنان مەرت بولعانداردىڭ وتباسىلارى مەن جاقىندارىنا كوڭىل ايتامىن»، - دەلىنگەن حابارلامادا.
پرەزيدەنتتىڭ ايتۋىنشا، يران سىرتقى ىستەر مينيسترلىگى مەرت بولعان ازاماتتاردىڭ مايىتتەرىن وتباسىلارىنا جەتكىزۋ ءۇشىن قودان كەلگەننىڭ بارلىعىن جاسايدى.
«سونىمەن قاتار اۋە قورعانىسى كۇشتەرى كەشەندەرىنىڭ بارلىق ءالسىز جاقتارىن جويىپ، مۇنداي اۋە اپاتتارىنىڭ ەكىنشى قايتالانباۋىنا قاجەتتى بارلىق شارالار قولعا الىنسىن»، - دەدى يران باسشىسى.
وسىعان دەيىن يراندا 180 جولاۋشىسى بار ۋكراينا ۇشاعى قۇلاعانى تۋرالى حابارلاندى.
ارتىنان قازاقستاننىڭ سىرتقى ىستەر مينيسترلىگى ۇشاقتا قازاقستان ازاماتتارىنىڭ جوق ەكەنىن حابارلادى.
تەگەراندا قۇلاعان ۋكراينا ۇشاعىنداعى جولاۋشىلاردىڭ بارلىعى مەرت بولعانى انىقتالدى.
كانادا پرەمەر-ءمينيسترى يران جولاۋشىلار لاينەرىن ابايسىزدا اتىپ جىبەرۋ مۇمكىن دەگەن بولجامىن جاريالادى.
يرنا اقپارات اگەنتتىگى يراننىڭ اۋە قورعانىس كۇشتەرى ۋكراينا ۇشاعىن قاتەلەسىپ اتىپ ءتۇسىردى دەگەن اقپارات تاراتتى.
فوتو: ru.irna.ir/news