و ك ق- دا وتكەن باسپا ءسوز ءماسليحاتىندا رومان سكليار ەكى تاۋلىك بويى تۇراقتا تۇرىپ قالعان اۋە كەمەسىنىڭ ۇستىنە مۇز قاتىپ قالۋى مۇمكىن ەكەنىن ايتىپ ءوتتى.
«بولعان اپاتتىڭ نەگىزگى نۇسقاسى - اۋە كەمەسىنىڭ ۇستىنە مۇزدىڭ قاتىپ قالۋى» ، - دەدى ول.
كوميسسيا بولعان اپاتتىڭ بىرنەشە نۇسقاسىن زەرتتەگەن. الدىن الا جۇرگىزىلگەن جۇمىستاردىڭ ناتيجەسىندە ۇشاقتىڭ سۋىق اۋا رايى كەزىندە قولدانىلاتىن ارنايى سۇيىقتىقپەن وڭدەلمەگەنى انىقتالعان.
«اۋە كەمەسىن مۇزدىڭ باسۋىنا قارسى سۇيىقتىقپەن وڭدەۋ جۇمىسى ءىشىنارا جۇرگىزىلگەن. اۋە كەمەسى كومانديرىنىڭ شەشىمى بويىنشا، تەك ستابيليزاتوردى وڭدەۋ تۋرالى شەشىم قابىلدانعان. ءبىرىنشى ساناتتاعى مۇزدىڭ باسۋىنا قارسى سۇيىقتىقپەن ۇشاق قاناتتارى دا وڭدەلۋ ءتيىس» ، - دەدى رومان سكليار.
ەسكە سالا كەتسەك، 2019 -جىلدىڭ 27 - جەلتوقسانىندا الماتىدان نۇر- سۇلتان قالاسىنا ۇشىپ شىققان بەكەير كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. ق ر پرەمەر- ءمينيسترى اسقار ءماميننىڭ توراعالىعىمەن ۇشاق اپاتىنىڭ سەبەپتەرىن تەرگەۋ بويىنشا ۇكىمەتتىك كوميسسيانىڭ وتىرىسى وتكىزىلگەن ەدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا جىبەرىلدى.