ەلەنا رىباكينا قىتايداعى شىنجىن تۋرنيرىنىڭ فينالىنا شىقتى

نۇر- سۇلتان. قازاقپارات - قازاقستاندىق ەلەنا رىباكينا قىتايداعى شىنجىن تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

وسى اپتاداعى تابىسى ارقاسىندا قازاقستاننىڭ ءبىرىنشى راكەتكاسى اتانىپ ۇلگەرگەن ە. رىباكينا جارتىلاي فينالدا رەيتينگتە 66 - ورىندا تۇرعان چەحيالىق كريستينا پليشكوۆامەن كەزدەستى.

ويىن تىزگىنىن بىردەن قولعا العان قازاقستاندىق تەننيسشى ءبىرىنشى پارتيادا 6:2 ەسەبىمەن باسىم ءتۇستى.

ەكىنشى سەتتە ەسەپ 6:5 بولعان مەزەتتە ەلەنا ماتچتى برەيكپەن تۇيىندەدى - 7:5.

باسەكە 1 ساعات 13 مينۋتقا سوزىلدى.

ە. رىباكينا جۇلدە قورى 775 مىڭ ا ق ش دوللارىنا باعالانعان جارىستىڭ فينالىندا الەمنىڭ 35- ، وسى ءتۋرنيردىڭ 5 راكەتكاسى، بۇرىنعى وتانداسى، رەسەيلىك ەكاتەرينا الەكساندروۆامەن باس جۇلدەنى ساراپقا سالادى. ول جارتىلاي فينالدا يسپانيالىق گاربينە مۋگۋرۋسانى 6:4, 6:3 ەسەبىمەن ءسۇرىندىردى. يسپانيالىق سپورتشى شيرەك فينالدا قازاقستاندىق زارينا دياستى جەڭىپ كەتكەن بولاتىن.

ەسكە سالا كەتەيىك، بۇدان بۇرىن ە. رىباكينانىڭ شىنجىن ءتۋرنيرىنىڭ جارتىلاي فينالىنا شىققانىن جازعان بولاتىنبىز.