فرانسۋز حيميگى لۋي پاستەر قۇستار اراسىندا كەزدەسەتىن تىرىسقاق اۋرۋىن زەرتتەۋگە كىرىسەدى. بىردە ول زەرتحاناعا باس كوز بولۋعا ءوزىنىڭ كومەكشىسىن قالدىرادى دا دەمالۋعا ساپارعا اتتانادى.
اڭعال كومەكشى زەرتحاناداعى تاۋىقتارعا كەزەكتى ينەنى سالۋدى ۇمىتىپ، ول دا وقىمىستىنىڭ ارتىنان كەتىپ قالادى. دەمالىستان جايباراقات ورالعان لۋيدىڭ كومەكشىسى تاۋىقتارعا ينە سالماعاننىڭ كەسىرىنەن ولارعا اۋرۋ جۇقتىرىپ الادى. ءبىراز ۋاقىت السىرەگەن تاۋىقتار كەيىننەن عاجايىپ ورىن العانداي جازىلىپ كەتەدى. بۇل جاعدايعا كۋا بولعان حيميك السىرەگەن باكتەريالار - اۋرۋدان ايىعۋدىڭ جولى ەكەنىن ۇعىنادى.
وسىلايشا كومەكشىنىڭ شالالىعى پاستەرگە جەر بەتىندەگى العاشقى ەكپەنى ويلاپ تابۋعا سەبەپ بولدى. ول ءسىبىر جاراسى مەن قۇتىرۋعا قارسى ەكپەنىڭ دە «اۆتورى».