ارىپتەستەرىمەن جىلى قاتىناس ورناتا ءبىلۋ - ليدەرلىك قىرىڭىزدى اشا تۇسەدى. سونداي-اق، ەلەكتروندى پوشتا، تەلەفون، الەۋمەتتىك جەلىلەردە اڭگىمە جۇرگىزۋ، «ايتقىزباي ءتۇسىنۋ» داعدىسىن دۇرىس پايدالانۋ ءسىزدىڭ قابىلەتىڭىزدى جوعارى ديناميكاعا جەتكىزەدى.
ءوزىنىڭ مانساپتىق ءوسۋىن جەدەلدەتۋ ءۇشىن جۇمىستا كوممۋنيكاتسياعا بايلانىستى كوپتەگەن فاكتورلاردى ەسكەرۋ قاجەت. جىل بويى ءونىمددى ەڭبەك ەتكەن ادام مەن بەلسەندى ءارى ءتيىمدى ەڭبەك ەتكەن ماماننىڭ قايسى جوعارىعا كوتەرىلەدى دەپ ويلايسىز؟ بارلىعى ساتتىلىككە ايلانىستى ەمەس. تەك ءسىزدىڭ وزگەلەرگە پايدالى ەڭبەك ەتە بىلۋىڭىزدە. قىزمەتتىك ورلەۋدە كلينيكالىق پسيحولوگ داريا ميلايدىڭ كەڭەستەرىن ۇسىنامىز!
ادالدىق - بارىنەن جوعارى
جۇمىس بەرۋشىلەر بيزنەس-ۇدەرىستەر تۋرالى عانا ەمەس، ءوزىنىڭ قىزمەتكەرلەرى تۋرالى ءجيى اقپارات العىسى كەلەدى. ءسىز تۋرالى پىكىر ءبىر رەت قالىپتاسىپ، سول تەمپتە ساقتالمايدى. ءبىر جەردە قاتەلەستىڭىز بە، مويىنداڭىز. ەكىنشى رەت سول ارەكەتتى قايتالاماۋعا تىرىسىڭىز. ءسىزدى باستىق باقىلاعاندا عانا ءونىمدى جۇمىس جاساۋ- ەڭبەك قابىلەتىڭىزدى شەكتەيدى. ءسىزدى اركەز باستىعىڭىز باقىلاپ تۇرعانداي ەڭبەك ەتىڭىز! جۇمىستان كەشىگەر تۇستا دا، يەسىز زاتتى قولىڭىزعا الار شاقتا دا ادالدىقتان سۋىت كەتپەۋىڭىز كەرەك.
وزىڭىزگە ءتان داعدىلارعا ساراپشى بولىڭىز
ەڭبەك ەتيكاسىن ساقتاڭىز. ءسىز باسشى بولساڭىز، جۇمىسشىلاردان قانداي داعدىلاردى تالاپ ەتەسىز؟ مىنە ءوزىڭىز قالاعان داعدىنى وزىڭىزگە ورنىقتىرىڭىز. ءوزىن باسقارا بىلمەيتىن ادام، وزگەلەردى باسقارۋدى ويلاعانى اقىلعا قونىمسىز. جۇمىسقا ۋاقتىلى كەلىڭىز، تاپسىرمالاردى ۋاقتىلى ورىنداڭىز. سىزگە قاجەت ەمەس ءىشپىستىرارلىق ديالوگتا دا ساۋسقاننان ساق بولىڭىز. ميىڭىزعا تۇسەر اقپارات وزىڭىزگە بايلانىستى. جاعداياتقا فوكۋس جاساۋدى، وزگە راكۋرستا قاراي ءبىلۋدى ادەتكە اينالدىرىڭىز.
ءار ساتتەن ساباق الىڭىز
ءبىلىم- سانانىڭ ازىعى. ءسىزدىڭ ماماندىعىڭىزدىڭ كەڭىستىگى ءسات سايىن جاڭارىپ، جاڭا تەندەنسيالار قابىلدايدى. سوعان ساي ءسىز دە وزگەرىستەردەن قورىقپاڭىز. ءبىلىم جەتىلدىرۋ كۋرستارىنان ءجيى ءوتۋىڭىز رىپتەستەرىڭىزدىڭ ءسىزدىڭ تانىمىڭىزعا دەگەن قۇرمەتىن وياتادى. باسشىلىق ارنايى نۇسقاۋلىقپەن وقۋ باعدارلاماسىن ۇسىنسا، قاشپاڭىز! بۇل - سىزگە رۋحاني بالانىس ورناتۋعا ۇلكەن مۇمكىندىك!
ادامگەرشىلىكتى ۇمىتپاڭىز
ادام - تەمىر ەمەس. ارىپتەستەرىڭىزدىڭ ۇلگەرە الماعان شارۋالارىنا كومەك كورسەتىڭىز. ءوزىڭىز دە ۇيرەنەسىز. جۇمىستاعى ارىپەستەرىڭىزبەن ۇيلەسىم تابۋ - ءسىزدىڭ سىيىڭىزدى ارتتىرادى. جۇرەكتى بولىڭىز!
يدەيالارىڭىزدان ۇيالماڭىز
جۇمىس ءتارتىبى 10 قاداممەن ورىندالاتىن جۇمىس بولسا، ءدال سولاي بولۋ كەرەك دەگەن قالىپ جوق. ناتيجەسىن تاپ سولاي ەتىپ، از ەڭبەكتەنە الساڭىز، كەرەمەت ناتيجە. ۇيالماڭىز! بۇل- ءسىزدىڭ ارتىقشىلىعىڭىز. ءسىزدىڭ ءتيىمدى جۇمىس جاسۋىڭىز ۇجىمدى العا سۇيرەيدى.
جۇمىس مالىمەتتەرىن قورعاڭىز
ءسىزدىڭ ۇجىمىڭىزداعى وقيعالار - وفيس كرەسلوسىندا قالسىن. ءتىپتى الەۋمەتتىك جەلىلەردە جۇمىس ورنىڭىزدان سۋرەتتەر جاريالاماعانىڭىز ابزال. ۇيىڭىزگە جەكە باسىڭىزدىڭ اسەرىمەن بارىڭىز. وزگە مەكەمە جۇمىسشىسىمەن سويلەسۋ بارىسىندا جەكە قۇپيالىقتى ساقتاڭىز.
سۋرەت اشىق دەرەككوزدەن الىندى