وبلىستىق پروكۋراتۋرا وسى باعىتتا تەكسەرۋ جۇرگىزگەن بولاتىن. ناتيجەسىندە ەلىمىزدىڭ كوشى-قون زاڭىن بۇزعان جانە جالعان قۇجاتتارمەن جۇمىسقا ورنالاسقان شەتەل ازاماتتارى انىقتالدى.
«جۇمىس كۇشىن تارتۋعا زاڭسىز رۇقسات العان كومپانيا 120 شەتەل ازاماتىنىڭ جالعان ديپلوممەن جۇمىس ىستەۋىنە جول بەرگەن. تەكسەرۋ قورىتىندىسى بوينىشا ولاردىڭ بارلىعى رەسپۋبليكا اۋماعىنان شىعارىلدى»، دەپ ءمالىم ەتتى قىزىلوردا وبلىستىق پروكۋراتۋراسىنىڭ باسپا ءسوز حاتشىسى عابيت ۇزاقباي.
ونىڭ حابارلاۋىنشا، ءتۇرلى مەكەمەلەردىڭ جالاقى بەرەشەگىن ازايتۋ باعىتىندا دا ناقتى جۇمىستار جۇرگىزىلىپ كەلەدى. بۇدان بۇرىن ءتۇرلى مەكەمەلەردە جۇمىسشىلارعا 150 ميلليون تەڭگە قارىز قالىپتاسقان. پروكۋرورلاردىڭ ارالاسۋىنان كەيىن مىڭداعان ازاماتتىڭ جالاقىسى ءوندىرىلدى. قازىر بەرەشەك قارىز ون ەسەگە تومەندەدى.