دونالد ترامپ ءوزىنىڭ 9 مينۋتتىق جولداۋىندا راكەتا شابۋىلىنان ا ق ش اسكەريلەرى زارداپ شەكپەگەنىن اتاپ ءوتتى. سوعان قاراماستان امەريكا قۇراما شتاتتارى يرانعا قارسى جاڭا قاتاڭ سانكسيالار ەنگىزەدى.
تەگەران يادرولىق امبيتسيالارىنان باس تارتىپ، تەرروريزمگە قولداۋ جاساعاندى دوعارۋى ءتيىس، دەپ مالىمدەدى ا ق ش كوشباسشىسى.
«يران حالقى مەن باسشىلىعىنا مىنانى ايتقىم كەلەدى: ءبىز سىزدەردىڭ بولاشاعىڭىز جارقىن بولعانىن قالايمىز. سىزدەر وعان لايىقسىزدار. مەملەكەت وركەندەپ، الەم ەلدەرىمەن ۇيلەسىمدى دوستىق قارىم-قاتىناستا بولسا دەيمىز. امەريكا قۇراما شتاتتارى بەيبىتشىلىككە ۇمتىلعان ءاربىر ەلمەن تاتۋ بولعىسى كەلەدى»، - دەپ قورىتىندىلادى ءسوزىن د. ترامپ.
دونالد ترامپ ءسوزىنىڭ سوڭىندا يراندى «ورتاق ماقساتتار جولىندا» ىنتىماقتاسىپ، د ا ي ش تەرروريستىك ۇيىمىنا قارسى بىرگە كۇرەسۋگە شاقىردى. ونىڭ سوزىنشە، يرانمەن جاڭا يادرولىق كەلىسىم جاساۋ كەرەك، ال رەسەي مەن ەۋروپا قازىرگى كەلىسىمنەن باس تارتۋى ءتيىس.
ا ق ش سونىمەن بىرگە ناتونىڭ تاياۋ شىعىستا الدەقايدا بەلسەندى ءرول ويناۋىن ءوتىندى.
ەسكە سالا كەتەيىك، يران ا ق ش- تىڭ يراكتاعى ەكى اسكەري بازاسىن زىمىرانمەن اتقىلاعان بولاتىن.