«بەلگىلى ءبىر ساناتتاعى ازاماتتارعا جەڭىلدىكپەن باسپانا بەرۋ بۇگىنگى كۇنى قازاقستانداعى ەڭ وزەكتى ماسەلەلەردىڭ ءبىرى بولىپ تۇر. وسىعان قاراي وتىنىشتەردى باقىلاۋ ءبولىمى «نۇرلى جەر» تۇرعىن ءۇي باعدارالماسىنىڭ 2020-2025 -جىلدارعا ۇزارتىلعاندىعىن حابارلايدى. « ءبىرىڭعاي تۇرعىن ءۇي ساياساتىن جۇزەگە اسىرۋ» ءبىرىنشى مىندەتى اياسىندا باسپانا قولجەتىمدىلىگى ساتىسى ەنگىزىلىپ، وندا ايقىندۋشى فاكتور حالىقتىڭ كىرىسى بولادى» ، - دەلىنگەن تاراتىلعان اقپاراتتا.
وتىنىشتەردى باقىلاۋ ءبولىمىنىڭ مالىمەتىنشە، وتباسى مۇشەسىنە ءبىر كۇنكورىس مينيمۋمىنا (29,7 مىڭ تەڭگە) دەيىن تابىسى بار كەزەكتە تۇرعان ازاماتتارعا (جەتىم بالالارعا، 1, 2-توپتاعى مۇگەدەكتەرگە، زەينەتكەرلەرگە جانە باسقالارىنا) ساتىپ الۋعا بولمايتىن جالدامالى باسپانا بەرىلەدى.
«باقىتتى وتباسى» باعدارلاماسى ارقىلى وتباسى مۇشەسىنە ەكى كۇنكورىس مينيمۋمىنا (59,4 مىڭ تەڭگە) دەيىن تابىسى بار ازاماتتار (كوپبالالى، تولىق ەمەس جانە مۇگەدەك بالالارى بار وتباسىلار) پاتەر الۋىنا مۇمكىندىگى بار.
وتباسى مۇشەسىنە 3,1 كۇنكورىس مينيمۋمىنا (92 مىڭ تەڭگە) دەيىن تابىسى بار كەزەكتە تۇرعاندار (اسكەري قىزمەتشىلەر، بيۋدجەت جانە مەملەكەتتىك قىزمەتكەرلەر) «5-20-25» باعدارلاماسىمەن اكىمدىكتەردىڭ كرەديتتىك باسپاناسىنا ۇمىتكەر بولا الادى. تابىسى 3,1 كۇنكورىس مينيمۋمىنان جوعارى ازاماتتار «7-20-25» باعدارلاماسىنا قاتىسا الادى.
ال تابىسى 5 كۇنكورىس مينيمۋمىنان (148,5 مىڭ تەڭگە) جوعارى ازاماتتار «باسپانا- حيت» ، «وردا» ق ي ك، تۇرعىن ۇيقۇرىلىس جيناق بانكىنىڭ « ءوز ءۇيىم» نارىقتىق ونىمدەرى ارقىلى باستاپقى جانە قايتالاما پاتەر ساتىپ الۋىنا مۇمكىندىك جاسالعان.
«باسپانا الۋ اشىقتىعىن قامتاماسىز ەتۋ جانە ءبىرىڭعاي جۇيەلى ەسەپكە الۋ ءۇشىن تۇرعىن ءۇي كەزەگىندە تۇرعانداردىڭ ءبىرىڭعاي رەسپۋبليكالىق بازاسى ەنگىزىلەدى. اتالعان بازا كەزەككە تۇرعاندارعا باسپانانىڭ قولجەتىمدىلىگىن ايقىنداۋ ءۇشىن قولدانىلادى. بۇل مەملەكەتتىك قولداۋدىڭ اتاۋلىعىن جانە مەملەكەت قاراجاتىن كادەگە جاراتۋ تيىمدىلىگىن قامتاماسىز ەتەدى» ، - دەپ اتاپ وتەدى ق ر پرەزيدەنتى اكىمشىلىگىنىڭ قوعامدىق قابىلداۋى.