7 - قاڭتاردا قازاقستان تەڭىزگە شىعار جولى جوق دامۋشى ەلدەردىڭ (ت ش ج د ە) توبىنداعى 2020-2021 -جىلدارعا ارنالعان ءتوراعالىقتى الىپ قابىلدادى. ءتوراعالىق تابىستاۋ ءراسىمى ب ۇ ۇ جانىنداعى توپقا مۇشە مەملەكەتتەردىڭ ەلشىلەرى مەن ساراپشىلارى جانە ەڭ دامىماعان ەلدەر، تەڭىزگە شىعار جولى جوق دامۋشى ەلدەر مەن كىشى ارالدىق دامۋشى مەملەكەتتەر ماسەلەلەرى جونىندەگى ب ۇ ۇ جوعارى وكىلى فەكيتاموەلوا ۋتويكامانۋدىڭ قاتىسۋىمەن ءوتتى.
ت ش ج د ە توبىنا 32 ەل، ونىڭ ىشىندە 16 ەل افريكا كونتينەنتىنەن، 10 ازيادان (ورتالىق ازيا بارلىق بەس ەلى مەن اۋعانستان دا) ، 4 ەۋروپادان جانە وڭتۇستىك امەريكادان ەكى مەملەكەت كىرەدى.
قازاقستان تەڭىزگە شىعار جولى جوق ەڭ ءىرى ەل، ول مۇحيتتاردان ەڭ الىس قاشىقتىقتا (شامامەن 3750 شاقىرىم) ورنالاسقان.
ءتوراعالىق ەتۋ كەزىندە قازاقستان 2014-2024 -جىلدارعا ارنالعان تەڭىزگە شىعار جولى جوق ەلدەر ءۇشىن ۆەنا ءىس- قيمىل باعدارلاماسىن جانە ب ۇ ۇ ورنىقتى دامۋ ماقساتتارىن جۇزەگە اسىرۋعا ترانزيت ەلدەرى، بۇۇ اگەنتتىكتەرى جانە باسقا دا مۇددەلى تاراپتارمەن ىنتىماقتاستىقتى كەڭەيتۋ ارقىلى وڭىرلىك نەگىزدە بەلسەندى تۇردە جاردەمدەسەدى.
«ءتوراعا رەتىندە قازاقستان ءبىزدىڭ توبىمىز جانە بارلىق مۇددەلى تاراپتارمەن، ونىڭ ىشىندە ب ۇ ۇ مەكەمەلەرى، حالىقارالىق قارجى ينستيتۋتتارى، جەكە سەكتور مەن عىلىمي وكىلدەرى اراسىنداعى ىنتىماقتاستىقتى قارقىنداتۋ ماقساتىندا بارلىق كۇش- جىگەرلەردى سالادى» ، - دەدى قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ ءىس- شارا بارىسىندا.
سونىمەن قاتار، ول توپتى الدىڭعى ەكى جىل باسقارعان پاراگۆايدىڭ بۇۇ جانىنداعى تۇراقتى وكىلى حۋليو سەسار ارريولاعا وسى لاۋازىمداعى اتقارعان ايتارلىقتاي جۇمىس ءۇشىن العىسىن ءبىلدىردى.
فەكيتاموەلوا ۋتويكامانۋدىڭ ايتۋىنشا، قازاقستان ت ش ج د ە توبىنىڭ مۇددەلەرىن ىلگەرىلەتۋ مەن قورعاۋعا ءاردايىم بەلسەندى ۇستانىمدا بولعانىن اتاپ ءوتتى. سونىمەن بىرگە، ول ساۋدا ماسەلەلەرى جونىندەگى ت ش ج د ە مينيسترلىك كەزدەسۋى دۇنيەجۇزىلىك ساۋدا ۇيىمى 12 مينيسترلىك كونفەرەنسياسىنىڭ شەڭبەرىندە 2020 -جىلى ماۋسىمدا نۇر- سۇلتان قالاسىندا قازاقستان ۇكىمەتى ۇيىمداستىراتىنىن حابارلادى.
قازاقستان 2019 -جىلعى 25 - قىركۇيەكتە نيۋ- يورك قالاسىندا وتكەن ت ش ج د ە- ءنىڭ مينيسترلىك جىل سايىن كەزدەسۋى بارىسىندا توپتىڭ ءتوراعاسى بولىپ سايلاندى.
«تەڭىزگە اۋماقتىق قول جەتىمدىلىكتىڭ بولماۋى، الەمدىك نارىقتاردان الىستاۋ پەن وقشاۋلانۋ جانە جوعارى ترانزيتتىك شىعىندار تەڭىزگە شىعار جولى جوق ەلدەردىڭ جالپى الەۋمەتتىك- ەكونوميكالىق دامۋىنا ايتارلىقتاي كەدەرگى كەلتىرۋدە. ولاردىڭ تەڭىزدەگى ساۋداسى باسقا ەلدەر ارقىلى ترانزيتكە بايلانىستى. قوسىمشا شەكارالار ءوتۋ جانە جاھاندىق نارىقتاردان قاشىقتىق كولىك قىزمەتتەرىنىڭ قۇنىن ايتارلىقتاي ارتتىرادى. ت ش ج د ە- ءنىڭ الدىندا تۇرعان باسقا نەگىزگى سىن- تەگەۋرىندەرىنىڭ ءبىرى - ءالسىز ينفراقۇرىلىم، ەكونوميكالىق شاعىن نارىقتار، كليماتتىڭ وزگەرۋىنە وسالدىق، اقپاراتتىق- كوممۋنيكاتسيالىق تەحنولوگيالارعا قول جەتىمدىلىكتىڭ بولماۋى جانە ت. ب» ، دەلىنگەن حابارلامادا.