ا ق ش قورعانىس ءمينيسترىنىڭ قوعاممەن بايلانىس بويىنشا كومەكشىسى دجوناتان حوففمان مالىمدەمەسىندە 7- قاڭتار كۇنى كەشكى 17:30 شاماسىندا يران اسكەريلەرى يراك اۋماعىندا ورنالاسقان ا ق ش- تىڭ اسكەري وبەكتىلەرى مەن اسكەري كواليتسيالارىنا 12 دەن استام بالليستيكالىق راكەتا جىبەرگەن. يران راكەتالاردى ءال اسساد جانە يربيد ەكى اسكەري بازاسىنا باعىتتاعانى انىق.
پەنتاگون وكىلى قازىرگى ۋاقىتتا كەلتىرىلگەن شىعىن كولەمى ەسەپتەلىپ جاتقانىن ايتتى.
«سوڭعى كۇندەرى يراننان تونگەن قاۋىپ-قاتەرگە جاۋاپ رەتىندە ا ق ش قورعانىس مينيسترلىگى قىزمەتكەرلەرى مەن سەرىكتەستەرىن قورعاۋدىڭ بارلىق امالدارىن جاساپ جاتىر. يراندىق رەجيم ءبىزدىڭ كۇشتەرىمىزگە شابۋىل جاساپ، ايماقتاعى مۇددەمىزگە قارسى ارەكەتتەردى جوسپارلاعاندىقتان، بۇل ەكى بازا جوعارى دايىندىقتا بولدى. جاعدايدى باعالاي وتىرىپ، ءبىز ايماقتاعى ا ق ش قىزمەتكەرلەرىن، سەرىكتەستەر مەن وداقتاستاردى قورعاۋ ءۇشىن بارلىق شارالاردى قولدانامىز. وزگەرىستەر بولىپ جاتسا، حاباردار ەتىپ وتىرامىز»، - دەپ اتاپ ءوتتى دجوناتان حوففمان.
اق ءۇيدىڭ باسپا ءسوز حاتشىسى ستەفاني گريشەم Twitter- دەگى پاراقشاسىنا ا ق ش پرەزيدەنتى دونالد ترامپ پەن ونىڭ كەڭەسشىلەرى جاعدايدى مۇقيات باقىلاپ وتىرعانىن مالىمدەدى.
«يراكتاعى ا ق ش بازاسىنا شابۋىل جاسالعانى بىزگە ءمالىم. پرەزيدەنتكە اقپارات بەردىك. ول جاعدايدى باقىلاۋدا ۇستاپ، ءوزىنىڭ ۇلتتىق قاۋىپسىزدىك توبىمەن اقىلداسىپ جاتىر»، - دەپ مالىمدەدى ا ق ش پرەزيدەنتىنىڭ باسپا ءسوز حاتشىسى ستەفاني گريشەم.
اق ۇيگە قورعانىس ءمينيسترى مارك ەسپەر مەن ا ق ش مەملەكەتتىك حاتشىسى مايك پومپەو كەلدى.
BBC يراندىق باسىلىمدارعا سىلتەمە جاساي وتىرىپ، يسلام ريەۆوليۋتسياسىنىڭ كۇزەت كورپۋسى امەريكالىق بازالارعا سۇلەيماني گەنەرالدىڭ ولىمىنە بايلانىستى كەك الۋ ءۇشىن وق جاۋدىردى دەپ مالىمدەدى. امەريكالىق بازالارعا 30 دان اسا زىمىران ۇشىرىلدى. قۇربان بولعان ادامداردىڭ بار-جوعى ازىرگە بەلگىسىز. يران تەلەارناسى ءال-اسادتاعى بازانى زىمىرانمەن اتقىلاۋ ساتىنەن كادرلار كورسەتتى.
بۇرىنىراق حابارلانعانداي، CNN تەلەارناسىنا بەرگەن ەكسكليۋزيۆتى سۇحبات كەزىندە يسلام ريەۆوليۋتسياسى جوعارعى كوشباسشىسىنىڭ اسكەري كەڭەسشىسى حامەنەي حوسسەين دەحگان «كۋدس» يسلام ريەۆوليۋتسياسى كۇزەت كورپۋسىنىڭ ارنايى جاساق باسشىسى، گەنەرال كاسەم سۇلەيمانيدى ولتىرۋگە بايلانىستى اسكەريلەر مەن اسكەري وبەكتىلەرگە قارسى ارەكەت بولۋى مۇمكىن ەكەنىن مالىمدەگەن.