زارينا دياس قىتايداعى تۋرنيردى ءساتتى باستادى
الەمنىڭ 75-راكەتكاسى ز. دياس العاشقى كەزدەسۋىن دۇنيەجۇزىلىك رەيتينگتە 397-ورىندا تۇرعان قىتايلىق يين-يين دۋانمەن وتكىزدى.
قازاقستاندىق سپورتشى قارسىلاسىن 6:3, 6:4 ەسەبىمەن قينالماي جەڭدى.
باسەكە 1 ساعات 9 مينۋتقا سوزىلدى. تەننيسشىلەردىڭ ءوزارا كەزدەسۋلەرىندەگى ەسەپ تەڭەستى - 2:2.
وسىعان دەيىن گونكونگتا جەڭىمپاز اتانعان زارينا شىنجىن جارىسىنىڭ (جۇلدە قورى - 750 مىڭ ا ق ش دوللارى) ەكىنشى اينالىمىندا رەسەيلىك، الەمنىڭ 58-راكەتكاسى اننا بلينكوۆامەن كەزدەسەدى. ول الەمنىڭ 8- ءىنشى، وسى تۋرنيردىڭ 1-راكەتكاسى، شۆەيتساريالىق بەليندا بەنچيچتى 3:6، 6:3، 6:3 ەسەبىمەن جەڭىپ كەتتى.
ەسكە سالا كەتەيىك، بۇدان بۇرىن زارينا دياستىڭ گونكونگتا جەڭىمپاز اتانىپ، يۋليا پۋتينتسيەۆانىڭ بريسبەندە نەگىزگى تۋرنيرگە جولداما العانىن، ال ەلەنا رىباكينانىڭ قىتايداعى تۋرنيردىڭ ەكىنشى اينالىمىنا شىققانىن جازعان بولاتىنبىز.