دارىگەرلەردىڭ ايتۋىنشا، مەرەكە كۇندەرى بوساندىرۋ مەكەمەلەرى ادەتتەگى رەجيم بويىنشا جۇمىس ىستەدى.
«2020 -جىلدىڭ 1-6-قاڭتارى ارالىعىندا پەرەناتالدىق ورتالىقتار مەن اۋداندىق اۋرۋحانالاردىڭ پەرزەنتحانالار ۇيىندە 200 بالا دۇنيەگە ەسىگىن اشقان»، - دەپ ناقتىلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
جالپى العاندا، بوساندىرۋ مەكەمەلەرىنىڭ ماماندارىنىڭ ايتۋىنشا، 2019 -جىلى نارەستەلەر كوپ تۋعان. وبلىستا جىل بويىنا 21386 بالا دۇنيە ەسىگىن اشسا، ولاردىڭ 179 ى ەگىزدەر.
جاڭا جىل قارساڭىندا جاڭا جىلدىق مەرەكەلەردىڭ سوڭىنا دەيىن جالعاسقان ەرەكشە اكسيا ءوتتى. نارەستەلەردىڭ بارلىعى ەرەكشە كيىندىرىلدى. مەديتسينالىق ۇيىم وكىلدەرى بالالاردى ارنايى تىكتىرگەن كيىمدەرمەن شىعارىپ سالدى.