ەمحاناعا ونلاين تىركەلۋ ءۇشىن نە ىستەۋ كەرەك

ءوتىنىش ءبىر جۇمىس كۇنى ىشىندە وڭدەلەدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ونلاين تىركەلۋ ءۇشىن egov.kz سايتىنا ءوتىنىش جاساپ، «مەديتسينالىق كومەك» قويىندىسىندا «العاشقى مەديتسينالىق- سانيتارلىق كومەك كورسەتەتىن مەديتسينالىق ۇيىمعا تىركەلۋ» قىزمەتىن تاڭداۋ قاجەت. ودان سوڭ «قىزمەتكە ونلاين تاپسىرىس بەرۋ» تۇيمەسىن باسۋ كەرەك. ءوتىنىش ءساتتى جولدانعاننان كەيىن پورتالدا «سۇرانىس وڭدەلۋدە» مارتەبەسى پايدا بولادى.

ەمحانانىڭ ۇيدەن نەمەسە جۇمىستان 15-20 مينۋت جاياۋ جۇرەتىن جەردە ورنالاسقانى ءجون. بۇل دارىگەرلەردىڭ قاجەت بولعان جاعدايدا ءۇي-ىشىڭىزگە جەدەل كومەك كورسەتۋىنە، بۇكىل وتباسىڭىزبەن ءبىر دارىگەرگە قارالۋعا مۇمكىندىك بەرەدى.

سونىمەن قاتار، تۇرعىلىقتى جەر بويىنشا ەمحاناعا Telegram-bot ارقىلى تىركەلۋ مۇمكىندىگى بار، ول ءۇشىن Telegram مەسسەندجەرىندە @Kenes1414Bot-قا جازىلىپ، قاراپايىم تىركەۋدەن ءوتىپ، ارى قاراي قىزمەت ءتۇرى: مەديتسينالىق ۇيىمعا مەسسەندجەر ارقىلى تىركەلۋدى، ەمحانانى تاڭداۋ قاجەت. قىزمەتتى كورسەتۋ مەرزىمى - ءبىر جۇمىس كۇنى.

بوتپەن جۇمىس ىستەۋ ءۇشىن eGov.kz-كە تىركەلگەن بولىپ، ۇيالى تەلەفوننىڭ ءنومىرىن پورتالدىڭ پروفيلىنە بايلانىستىرۋ قاجەت. تەلەفوندى تىركەۋ جانە بايلانىستىرۋ ە س ق پايدالانا وتىرىپ جۇزەگە اسىرىلادى.

سونىمەن قاتار، iKOMEK109 ءبىرىڭعاي بايلانىس ورتالىعىنا حابارلاسىپ، ازاماتتىڭ قالانىڭ بەلگىلى ءبىر ەمحاناسىنا تىركەلگەنى تۋرالى اقپارات الۋعا بولادى.