«نۇر وتان» پارتياسىنىڭ وبلىستىق فيليالىندا وتكەن قورىتىندى كەڭەس بارىسىندا وبلىس اكىمىنىڭ ءبىرىنشى ورىنباسارى ۇلان جازىلبەك وڭىردەگى ينجەنەرلىك جەلىلەردىڭ توزعانىن ايتتى. ونىڭ سوزىنە قاراعاندا، وبلىس بويىنشا بۇل كورسەتكىش % 59. «2020 -جىلى 75 شاقىرىم ەلەكتر سىمدارى، 21 شاقىرىم جىلۋمەن قامتۋ، 49 شاقىرىم سۋمەن قامتۋ جانە 37,6 شاقىرىم كارىز جەلىلەرىنىڭ جوندەۋ جۇمىستارى جوسپارلانۋدا. ارينە، بۇل جاعدايدى ايتارلىقتاي جاقسارتا المايدى. دەسەك تە، بىرتە- بىرتە جەلىلەردى جاڭارتىپ كەلەمىز»، - دەدى ۇلان جازىلبەك.
سونىمەن بىرگە، وبلىس اكىمىنىڭ ءبىرىنشى ورىنباسارىنىڭ ايتۋىنشا، ج ە ت س-1 توزىعى جەتكەنىن ەسكەرسەك، بالاما جىلۋ كوزدەرىن ىزدەي باستاۋ كەرەك. ءوڭىر باسشىسى بولات باقاۋوۆ وسى ماسەلەنى ستراتەگيالىق تۇرعىدان شەشۋ قاجەتتىگىن اتادى.
«ەلباسى «سارى ارقا» جوباسىن ۇسىنعاندا گاز قۇبىرىن ءارى قاراي پەتروپاۆل مەن پاۆلودارعا دەيىن تارتۋدى تاپسىرعان بولاتىن. گاز قاراعاندىعا جەتتى. ەندىگى ۋاقىتتا ونىڭ قاراعاندىدان باياناۋىلعا تارتىلعانى ءۇشىن ەڭبەكتەنۋىمىز كەرەك. ءارى قاراي ونى مايقايىڭ ارقىلى ەكىباستۇز بەن پاۆلودارعا تارتۋ قاجەت. وسى ارقىلى جىلۋ ەنەرگياسى تاپشىلىعى مەن ەكولوگيا ماسەلەسى شەشىلمەك»، - دەيدى بولات باقاۋوۆ. ءوڭىر باسشىسى ورىنباسارلارىنا وسى ماسەلەنى ءجىتى زەرتتەپ، قۇزىرلى مينيسترلىكپەن شەشۋ مۇمكىندىكتەرىن ىزدەۋدى تاپسىردى.