مادەنيەت پەن ونەردى قولداۋعا ارنالعان قور قۇرىلماق
«قازىرگى كەزدە ۇكىمەت تاراپىنان مادەنيەت تۋرالى زاڭعا وزگەرىستەر مەن تولىقتىرۋلار ەنگىزۋ تۋرالى زاڭ جوباسى ازىرلەنۋدە. وندا ەلىمىزدە مادەنيەت سالاسىن دامىتۋ باعىتىندا ارنايى قوردى قۇرۋ ەسكەرىلگەن. وسى ورايدا قور بويىنشا ءارتۇرلى سالادا قولداۋ بولادى، سونداي- اق سىزدەر اينالىسىپ جۇرگەن باعىتتا دا ءتيىستى شارالار قامتىلادى» ، - دەدى گ. ءابدىقالىقوۆا ۋنيۆەرسيتەت ۇجىمىنا قاراتا ايتقان سوزىندە.
سونىمەن قاتار دەپۋتات سيفرلاندىرۋ ماسەلەسىنىڭ دە وزەكتى ەكەنىن اتاپ ءوتتى.
«بۇگىن ۋنيۆەرسيتەتتەگى ستۋديانىڭ جۇمىسىمەن تانىستىق. بارشا الەم سيفرلاندىرۋمەن دامىپ كەلە جاتىر، ونىڭ اياسىندا كينوفيلم ءتۇسىرۋ، كونسەرت سالاسىن دا اتاپ وتكەن ءجون. بۇل تۇرعىدا قولايلى نورما ەسكەرىلگەن، ياعني وسى باعىتتا جاڭا تەحنولوگيالىق دەڭگەيدە سالانى دامىتۋ مۇمكىندىگىنە قولداۋ جاسالادى» ، - دەدى ول.
دەپۋتاتتىڭ سوزىنە قاراعاندا، اتالعان جوبادا ۇسىنىلعان ءۇشىنشى باعىت - كونسەرتتىك قىزمەت سالاسىنا قاتىستى ماسەلەلەر.
«وسى تۇرعىدا مادەنيەت قايراتكەرلەرى ءتيىستى ۇسىنىستار جاساعان بولاتىن، سايكەسىنشە، ۇكىمەت قاجەتتى نورمالاردى ەنگىزەدى دەگەن ويدامىن» ، - دەدى گۇلشارا ءابدىقالىقوۆا.