« جاڭادان قابىلدانعان « پەداگوگ مارتەبەسى تۋرالى» زاڭدا مۇعالىمدەردىڭ قۇقىقتارى ناقتى كورسەتىلگەن. ياعني، مەملەكەت مۇعالىم مارتەبەسىن كوتەرۋدى ءوز مىندەتىنە الىپ وتىر. ەڭ ءبىرىنشى كەزەكتە مۇعالىمدەردى پەداگوگيكالىق جۇمىسىنا جاتپايتىن جۇمىسقا تارتپاۋ ماسەلەسىنە باسىمدىق بەرىلەدى. زاڭدا مۇعالىمدەر مەن وقۋشىلارعا تۇسەتىن جۇكتەمەنى ازايتۋ ماسەلەسى دە قاراستىرىلعان. سەبەبى، ءبىلىم بەرۋ ءىسى ەڭ الدىڭعى قاتارعا شىعۋى ءتيىس. بۇعان دەيىن حالىق ساناعىن جۇرگىزۋدە دە، سايلاۋ كەزىندە دە مۇعالىمدەردى جۇمىسقا تارتقان جاعدايدىڭ بولعانىن جوققا شىعارا المايمىز. بۇنىڭ بارىنە نۇكتە قويىلدى. زاڭ قابىلداندى. وسى زاڭ مۇعالىمنىڭ بارلىق جۇمىسىن قۇقىقتىق رەلسكە قويىپ بەرەدى» ، - دەدى دەپۋتات ەلورداداعى وقۋشىلار سارايىنىڭ جۇمىسىمەن تانىسۋ بارىسىندا تىلشىلەردىڭ سۇراعىنا جاۋاپ بەرە وتىرىپ.
پارلامەنت ءماجىلىسىنىڭ دەپۋتاتتارى قازىرگى ۋاقىتتا ءوڭىر- ءوڭىردى ارالاپ، جەرگىلىكتى جەردە اتقارىلىپ جاتقان جۇمىستارمەن تانىسۋعا اتتانعان. دەپۋتاتتاردىڭ ءبىر توبى ەلوردادا ءارتۇرلى سالاداعى مەكەمەلەردى ارالاۋدا.
ەسكە سالا كەتسەك، وتكەن جىلدىڭ 30 - جەلتوقسانىندا پرەزيدەنت « پەداگوگ مارتەبەسى تۋرالى» زاڭعا قول قويعان بولاتىن.