جەتىم بالالارعا ارنالعان «جانۇيا» مامانداندىرىلعان كەشەنىنىڭ تاربيەلەنۋشىلەرى العاشقى ساباقتى 28- پانفيلوۆشى ساياباعىندا وتكىزدى.
ءارتۇرلى جاستاعى 30 بالا 15 تاجىريبەلى نۇسقاۋشىنىڭ باسشىلىعىمەن كونكي تەپتى. ولار اراسىندا شاي ءىشىپ، ءۇزىلىس جاسادى.
ۇيىمداستىرۋشىلاردىڭ ايتۋىنشا، شارانىڭ ماقساتى - ءوسىپ كەلە جاتقان بۋىندى سپورتقا باۋلىپ، سالاۋاتتى ءومىر سالتىن ۇستانۋعا شاقىرۋ.
ەستەرىڭىزگە سالا كەتەيىك، 20- جەلتوقساننان باستاپ قالانىڭ ءتورت تەگىن سىرعاناۋ ورىندارىندا بالالار ءۇيىنىڭ تاربيەلەنۋشىلەرىنە كونكي تەۋىپ ۇيرەتۋ ساباقتارى ءوتىپ جاتىر. 2020-جىلدىڭ كوكتەمىنە دەيىن 80 نەن اسا بالاعا كونكي ۇيرەتۋ جوسپارلانعان.
وقۋ كۋرسى اياقتالعاننان كەيىن بالالارعا سىيلىق تابىستالادى.