قازاقستان تەرريتورياسىندا اتموسفەرالىق اۋا اعىنداردىڭ وتۋىمەن قۇبىلمالى اۋا رايى ساقتالادى، وڭتۇستىكتىڭ كەي جەرلەرىندە جاۋىن-شاشىن جاۋادى، رەسپۋبليكانىڭ سولتۇستىگىندە جانە سولتۇستىك-باتىسىڭدا قار جاۋادى. كەي جەرلەردە تۇمان، كوكتايعاق، بۇرقاسىن، جەلدىڭ كۇشەيۋى ساقتالادى.
اقمولا، سولتۇستىك قازاقستان، قوستاناي، قاراعاندى وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، قوستاناي وبلىسىندا جەل 15-20 م/س كۇشەيەدى.
الماتى وبلىسىنىڭ كەي جەرلەرىندە تۇمان، كوكتايعاق بولىپ، كۇندىز جالاناشكول اۋدانىندا جەل 15-20 م/س جىلدامدىقپەن سوعادى.
جامبىل، تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە تۇمان، كوكتايعاق بولىپ، كۇندىز جامبىل وبلىسىندا جەل 15-20 م/س كۇشەيەدى.
اتىراۋ، باتىس قازاقستان، اقتوبە، پاۆلودار، شىعىس قازاقستان وبلىستارىنىڭ كەي جەرلەرىندە تۇمان تۇسەدى.