ستەكليانكا اۋىلىنان 7 شاقىرىم جەردەگى «سەمەي - دولەن» تاسجولىندا 19 جاستاعى «Nissan Terrano» جۇرگىزۋشىسى كولىگىنىڭ ارتىنا رەزەڭكە باللوندى ءىلىپ، وعان 2001 جانە 2002 -جىلى تۋعان ەكى تانىسىن وتىرعىزىپ، زاڭسىز قوزعالىسىن جالعاستىرعان.
جولاي جاس ازاماتتار قارسى جولعا ءتۇسىپ «Nissan X-trail» ماركالى كولىكپەن قاقتىعىسقان. سالدارىنان باللوندا وتىرعان ەكى جىگىتتى كولىك سوعىپ، ولار ءارتۇرلى دەنە جاراقاتىمەن وقيعا ورنىندا مەرت بولدى.
19 جاستاعى كولىك جۇرگىزۋشىسىن بەسقاراي اۋداندىق پوليتسيا قىزمەتكەرلەرى ۋاقىتشا ۇستاۋ يزولياتورىنا قامادى.
ساراپتاما جاسالىپ جاتىر. جول ەرەجەسىن بۇزىپ، ابايسىزدىق تانىتۋ سالدارىنان ەكى ادامنىڭ قايتىس بولۋىنا قاتىستى ق ر ق ك 345- باپ، 4- تارماعى بويىنشا سوتقا دەيىنگى تەرگەۋ جۇمىستارى باستالدى.