قوعام قايراتكەرى سەرىكبولسىن ءابدىلدين ومىردەن ءوتتى

بۇل حاباردى ساياساتتانۋشى ەرلان سايىروۆ راستادى.

«قايعىلى حابار. قازاقستان رەسپۋبليكاسى مەملەكەت قايراتكەرى، ەكونوميكا عىلىمدارىنىڭ دوكتورى سەرىكبولسىن ءابدىلدين ومىردەن ءوتتى»، - دەپ جازدى ە. سايىروۆ Facebook جەلىسىندە.

سەرىكبولسىن ءابدىلدين 1937 -جىلى شىعىس قازاقستان وبلىسى، قازىرگى تارباعاتاي اۋدانى قىزىلجۇلدىز اۋىلىندا تۋعان. 1960 -جىلى قازاق اۋىل شارۋاشىلىق ينستيتۋتىن ءبىتىرىپ، ەڭبەك جولىن اگرونوم بولىپ باستاعان.

1963- 1966 -جىلدارى اسپيرانت، اعا عىلىمي قىزمەتكەر، 1967- 1982 -جىلدارى - قازاق ك س ر-ى مەملەكەتتىك جوسپارلاۋ كوميتەتى ءتوراعاسىنىڭ ورىنباسارى بولعان.

1982 - 1985 -جىلدارى قازاق ك س ر اۋىل شارۋاشىلىعى ءمينيسترىنىڭ ءبىرىنشى ورىنباسارى، 1985 -جىلى – ا و ك باسقارۋ جونىندەگى رەسپۋبليكالىق جوعارى مەكتەپتىڭ رەكتورى، 1986 - 1987 -جىلدارى - قازاقستان اۋىل شارۋاشىلىعى ءمينيسترى، 1990-1995 -جىلدارى قازاق ك س ر جوعارى كەڭەسىنىڭ ءتوراعاسى بولدى.

1995 -جىلدان بەرى قازاق ۇلتتىق اگرارلىق ۋنيۆەرسيتەتى اگروبيزنەس كافەدراسىنىڭ مەڭگەرۋشىسى، پروفەسسورى قىزمەتتەرىن اتقاردى.

سەرىكبولسىن ءابدىلدين – 11 گە جۋىق عىلىمي ەڭبەك پەن 6 مونوگرافيانىڭ اۆتورى.

اۆتور: ايجان سەرىكجان قىزى