مەرەكە قارساڭىندا ايەلىنەن سىيلىق العان ازامات كەنەتتەن بايىپ كەتتى

الايدا كۇتپەگەن جەردەن ونىڭ سىيى ەرلى-زايىپتىلاردى 50 مىڭ دوللارعا بايىتادى دەپ حابارلايدى KAZ. NUR. KZ lenta.ru سايتىنا سىلتەمە جاساپ.

51 جاستاعى دايردرە ستوكس لوتەرەيا بيلەتتەرىن تەك تۋىستارىنا سىيلىق رەتىندە ساتىپ الاتىندىعىن باسا ايتتى.

«بۇل جولى مەن تاعى دا ۇتىس بيلەتتەرىن ساتىپ الدىم. كۇيەۋىمە سىيعا بەرگەن بيلەتتەرىمنىڭ ءبىرى ءساتتى بولىپ شىقتى»، - دەپ ەسكە الادى كەلىنشەك.

ناتيجەسىندە ەرلى-زايىپتىلار بيلەتتىڭ ارناسىندا 50 مىڭ دوللارعا يە بولدى.

«مەنىڭ كۇيەۋىم قورعانىش قاباتىن الىپ تاستاپ، 50 مىڭ دوللار ۇتىپ العانىمىزدى ايتقان كەزدە، مەن ونى ازىلدەپ جاتىر نەمەسە ناتيجەلەرىن دۇرىس تەكسەرمەگەن دەپ ويلادىم. مەن وعان سەنە المادىم»، - دەيدى ستوكس.

ونىڭ ايتۋىنشا، اقشالاي سىيلىق ولاردىڭ دەمالىستارعا جۇمساعان شىعىندارىن جابۋعا كومەكتەسەدى ەكەن.

«مەن بۇل جىلى روجدەستۆوعا تىم اسىرا دايىندالعان سەكىلدىمىن دەپ ويلاپ جۇرگەنمىن. ءبىراق مىنا ۇتىس ەندىگى ءبىزدىڭ جاعدايىمىزدى ءبىرشاما وزگەرتەتىنى انىق»، - دەدى ايەل ادام.

ەستەرىڭىزگە سالا كەتەيىك، اۆستراليانىڭ سيدنەي قالاسىنداعى ساۋدا ورتالىعىندا جاقىندارىنا سىيلىق ىزدەگەن 20 عا تارتا ادام قىسپاقتان زارداپ شەككەنىن حابارلاعان ەدىك.