مەملەكەت باسشىسى قول قويعان قىلمىستىق، قىلمىستىق- پروتسەستىك زاڭنامانى جەتىلدىرۋ بويىنشا ق ر زاڭى ارقىلى زاڭسىز اڭ اۋلاۋ (ق ك 335-بابى) جانە زاڭسىز بالىق اۋلاۋ (ق ك 337-بابى) تەرىس قىلىقتان اۋىرلىعى ورتاشا قىلمىستار ساناتىنا اۋىستىرىلدى.
«اتالعان فاكتىلەر ءۇشىن 4 جىلعا دەيىن باس بوستاندىعىنان ايىرۋ، 10 ميلليون تەڭگەگە دەيىن ايىپپۇل سالۋ قاراستىرىلعان. قورىقتاعى بالىقتاردىڭ سيرەك كەزدەسەتىن تۇرلەرىنە جانە قىزىل كىتاپقا ەنگگەن جانۋارلاردى زاڭسىز اۋلاۋ ءۇشىن 6 جىلعا دەيىنگى مەرزىمگە باس بوستاندىعىنان ايىرۋعا، ال قىلمىستىق توپتىڭ قۇرامىندا نەمەسە اسا ءىرى مولشەردە قىلمىس جاسالسا - 10 جىلعا دەيىنگى مەرزىمگە باس بوستاندىعىنان ايىرۋ كوزدەلگەن» ، - دەدى مارات احمەتجانوۆ ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، قىلمىس قۇرالدارىن، كولىك قۇرالدارىن جانە براكونەرلەردىڭ مۇلكىن مىندەتتى تۇردە تاركىلەۋ ەنگىزىلەدى.
ايتا كەتەيىك، مارات احمەتجانوۆ ەلىمىزدەگى قىلمىس احۋالى تۋرالى، سونداي- اق قىلمىستىق، قىلمىستىق- پروتسەستىك زاڭنامانى جەتىلدىرۋ بويىنشا ق ر زاڭىن ءتۇسىندىردى. اتالعان زاڭعا ق ر پرەزيدەنتى 2019 -جىلدىڭ 28 - جەلتوقسانىندا قول قويدى جانە 2020 -جىلدىڭ 1 - قاڭتارىندا كۇشىنە ەنەدى.