قىتاي وربيتاعا ەڭ ۇلكەن عارىشتىق زىمىرانىن ۇشىردى

 زىمىران كەلەسى جولى قىتايدىڭ اي- مارس باعدارلاماسىندا قولدانىلۋ جوسپارلانعان. زىمىران جەرگىلىكتى ۋاقىت بويىنشا ساعات 20: 46 دا «چيانتسزين-20» جەر سەرىگىمەن ۇشىرىلدى. ول گەوستاتسيونارلىق وربيتادا جۇمىس ىستەيدى. جەرگىلىكتى ساراپشىلاردىڭ پىكىرىنشە، بۇل عارىش كەمەسى الداعى 5-15 جىل ىشىندە تەلەكوممۋنيكاتسيا سالاسىنىڭ قاجەتتىلىكتەرىن تولىعىمەن قامتاماسىز ەتەدى. «چانچجەن-5» -  قىتايداعى زىمىراندار جاڭا بۋىنىنىڭ ەڭ قۋاتتى زىمىران تاسىعىشى سانالادى. ونىڭ بيىكتىگى -  57 مەتر، ديامەترى -  5 مەتر، باستاپقى سالماعى -  870 توننا.

 زىمىران جەر وربيتاسىنا 25 توننا، ال گەوستاتسيونارلىق وربيتاعا 14 توننا جۇك تاسىمالداي الادى. وعان وتىن رەتىندە سۇيىق وتتەگى مەن سۇيىق سۋتەگى قولدانىلادى. زىمىران قىتايدىڭ عارىشتى قاشىقتىقتان زەرتتەۋىندە جانە باسقارىلاتىن ۇشۋ باعدارلاماسىندا ماڭىزدى ءرول اتقارادى. ول العاش رەت 2016 -جىلدىڭ قاراشا ايىندا «شيتسزيان-17» جەر سەرىگى ارقىلى ۇشىرىلدى. ەكىنشى رەت «شيتسزيان-18» جەر سەرىگى ءۇشىن 2017 -جىلدىڭ شىلدەسىندە قولدانىلعان، ءبىراق ساتسىزدىككە بايلانىستى وربيتاعا شىعا المادى. قازىرگى رەيس «چانچجەن» زىمىراندارىنىڭ 323- ميسسياسى بولدى. 2020 -جىلعا قاراي «چيانتسزين»-5 تى ق ح ر عارىشتىق باعدارلاماسىنىڭ ءۇش ماڭىزدى ميسسياسىندا پايدالانۋ جوسپارلانعان.