ونىڭ ايتۋىنشا، اۋە اپاتى كەزىندە قازا تاپقانداردىڭ سانى تۋرالى رەسمي اقپاراتتى بەرۋگە ق ر ىشكى ىستەر مينيسترلىگىنىڭ توتەنشە جاعدايلار كوميتەتى عانا بەرۋگە قۇقىلى.
«12 ادام قازا تاپتى، بۇل — اتالعان ۆەدومستۆو (ء ى ى م) تاراتقان مالىمەت. ءتۇرلى دەرەكتەردىڭ بولعاندىعى دا تۇسىنىكتى. دەگەنمەن، باسپا ءسوز ءماسليحاتىندا ۆيتسە- پرەمەر جاريا ەتكەن جانە ۇكىمەتتىك كوميسسيا وتىرىسىندا ايتىلعان سانعا سايكەس 12 ادام قازا بولدى» ، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىنان كەيىن باق وكىلدەرىنە بەرگەن سۇحباتىندا.
كوميتەت باسشىسىنىڭ ناقتىلاي تۇسۋىنشە، مۇنداي قايعىلى جايتتار كەزىندە رەسمي ستاتيستيكا بەرۋگە ىشكى ىستەر جانە دەنساۋلىق ساقتاۋ مينيسترلىكتەرىنىڭ عانا قۇقىعى بار.
«15 ادامنىڭ قازا تاپقاندىعى تۋرالى حابارلاما باستاپقى اقپارات بولۋى ىقتيمال. الايدا، رەسمي ستاتيستيكانى مەملەكەتتىك ورگانداردان دەنساۋلىق ساقتاۋ مينيسترلىگى مەن ىشكى ىستەر مينيسترلىگى عانا بەرۋگە قۇقىلى. ق ر ءى ءى م توتەنشە جاعدايلار كوميتەتى دە قازا تاپقاندار تۋرالى اقپارات بەرە الادى. ويتكەنى، ىزدەۋ جانە قۇتقارۋ وپەراتسياسىن توتەنشە جاعدايلار كوميتەتى ۇيلەستىرەدى. اكىمدىكتىڭ قۇقىعى جوق» ، - دەدى تالعات لاستايەۆ.
ەستەرىڭىزدە بولسا، كەشە الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ «بەك ەير» ۇشاعىنىڭ اپاتقا ۇشىراۋى سالدارىنان قازا تاپقان ادامداردىڭ سانى 15 كە جەتكەنىن ايتقان ەدى.