گولوۆكين مەن «كانەلو» تريلوگياسى وتەتىن ۋاقىت بەلگىلى بولدى

نۇر- سۇلتان. قازاقپارات - Matchroom Boxing پروموۋتەرى جانە DAZN ستريمينگتىك پلاتفورماسىنىڭ جەتەكشىسى ەددي حيرن گەننادي گولوۆكين مەن ساۋل الۆارەستىڭ ءۇشىنشى جەكپە- جەگى 2020 -جىلى وتەتىنىنە سەنىمدى، دەپ حابارلايدى قازاقپارات Sports.kz. سايتىنا سىلتەمە جاساپ.

حيرننىڭ سوزىنشە، تريلوگيا 2020 -جىلدىڭ قىركۇيەگىندە ءوتۋى كەرەك. ونىڭ الدىندا، ياعني ناۋرىزدا گولوۆكين IBF نۇسقاسى بويىنشا چەمپيوندىق بەلبەۋ ءۇشىن پولياك كاميل شەرەمەتامەن باق سىناسادى. ودان سوڭ رينگكە، مامىر ايىندا «كانەلو» شىعادى. مەكسيكالىقتىڭ كارسىلاسى ورتا سالماقتاعى ەكى الەم چەمپيونىنىڭ بىرەۋى شىعادى دەگەن بولجام بار. ولار كاللۋم سميت پەن بيللي دجو سوندەرس.

بۇعان دەيىن الۆارەس گولوۆكينمەن جەكپە- جەكتەرى وسىمەن ءبىتتى دەپ ەسەپتەيتىندىگىن ايتقان بولاتىن. الايدا ول ەگەر قارجىلىق جاعىنان جاقسى ۇسىنىس بولسا، كەزدەسۋدەن باس تارتپايتىنىن دا ءبىلدىردى.