كاسىپورىن تاراتقان اقپاراتتارعا قاراعاندا، قازاقستان رەسپۋبليكاسىنىڭ باسىم بولىگىنە جاۋىن- شاشىن جانە قار ارالاس جاڭبىر جاۋادى. كەي جەرلەرگە تۇمان ءتۇسىپ، كوكتايعاق بولادى، جەل كۇشەيىپ، بۇرقاسىن بولۋى ىقتيمال.
اقمولا، قاراعاندى وبلىستارىنىڭ كەي جەرلەرىندە بۇرقاسىن بولىپ، تۇمان تۇسەدى، جەلدىڭ جىلدامدىعى سەكۋندىنا 15-20 مەترگە جەتەدى.
قاراعاندى وبلىسىنىڭ كەي جەرلەرىندە كوكتايعاق بولۋى مۇمكىن.
شىعىس قازاقستان، قوستاناي وبلىستارىنىڭ كەي جەرلەرىندە جاياۋ بۇرقاسىن بولىپ، تۇمان تۇسەدى، جەلدىڭ جىلدامدىعى سەكۋندىنا 15-20 م/س بولادى.
شىعىس قازاقستان وبلىسىندا، كۇندىز جارمينسكي اۋىلىندا جەلدىڭ جىلدامدىعى سەكۋندىنا 25 م/س جەتۋى ىقتيمال.
جامبىل، قىزىلوردا، اتىراۋ، باتىس قازاقستان، پاۆلودار وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.
جامبىل، پاۆلودار وبلىستارىنىڭ كەي جەرلەرىندە جەل 15-20 م/س جىلدامدىقپەن ۇيتقيدى.
تۇركىستان، ماڭعىستاۋ، سولتۇستىك قازاقستان وبلىستارىنىڭ كەي جەرلەرىندە تۇمان بولادى.
سولتۇستىك قازاقستان وبلىسىنىڭ كەي جەرلەرىندە بۇرقاسىن بولىپ، كۇندىز جەل 15-20 م/س جىلدامدىقپەن سوعادى.
الماتى وبلىسىنىڭ جالاڭاشكول اۋدانىندا جەل 17-22 م/س- قا كۇشەيەدى.